swt276.jpg
20215
निवती ः निवती रॉक येथे पोलिस व ग्रामस्थांतर्फे ध्वजवंदन करण्यात आले.

पोलिस, ग्रामस्थांतर्फे निवतीत ‘ध्वजवंदन’
म्हापणः प्रजासत्ताक दिनानिमित्त निवती पोलिस ठाण्यातर्फे निवती रॉक येथे ध्वजवंदन करण्यात आले. निवती मेढा गावातील किनारी सुमारे ६५ बोटी घेऊन निवती रॉक येथे तिरंग्यास मानवंदना देण्यात आली. ध्वजवंदनचा मान मच्छीमार श्रीधर मेतर यांना देण्यात आला. निवतीचे सहाय्यक पोलिस निरीक्षक भीमसेन गायकवाड यांनी ध्वजाला सलामी दिली. यावेळी कोस्ट गार्डचे गुप्ता, श्री. चौहान, अंमलदार शाम मांजरेकर, रामदास गोसावी, महेश कदम, सचिन कुंभार, पूजा पालयेकर, अक्षय वाघ, भाऊ नार्वेकर आदी उपस्थित होते. गेल्या वर्षी २६ जानेवारीला निवती पोलिसांतर्फे आयोजित ध्वजवंदन कार्यक्रमाचा पंतप्रधान नरेंद्र मोदी यांच्या ''कॉफी टेबल बुक''मध्ये समावेश करण्यात आला आहे. या कॉफी टेबल बुकचे केंद्रातर्फे प्रकाशन करण्यात आले. त्यात निवती रॉक येथील ध्वजवंदनाचा समावेश करण्यात आला.