सावर्डेत आज शोकसभा
चिपळूण, ता. २९ ः महाराष्ट्राचे दिवंगत उपमुख्यमंत्री अजित पवार यांना आदरांजली वाहण्यासाठी उद्या (ता. ३०) सकाळी १० वा. सावर्डे येथील आमदार शेखर निकम यांच्या जनसंपर्क कार्यालयात शोकसभेचे आयोजन करण्यात आले आहे. उपमुख्यमंत्री अजित पवार यांचे बुधवारी बारामती येथे विमान अपघातात मृत्यू झाला. त्यांच्या अकाली जाण्याने महाराष्ट्राने एक कर्तृत्ववान, विकासाभिमुख व सर्वसामान्यांचा आधार असलेला नेता गमावला आहे. दिवंगत आत्म्यास भावपूर्ण श्रद्धांजली अर्पण करून त्यांच्या आत्म्यास शांती लाभावी, यासाठी सावर्डे येथे शोकसभा आयोजित करण्यात आली आहे. कार्यकर्ते, नागरिक, हितचिंतक व सह्याद्री परिवारातील सदस्यांनी या शोकसभेला उपस्थित राहून दिवंगत नेत्याला श्रद्धांजली अर्पण करावी, असे आवाहन करण्यात आले आहे.