22914

शेखर बांदेकर यांना
‘इंडियन आयकॉन’
बांदा ः ज्ञान उदय फाउंडेशन राजस्थान यांच्यामार्फत देशभरातील विविध क्षेत्रात यश मिळविलेल्या मान्यवरांचा सत्कार करण्यात येतो. यात ऑनलाईन आणि ऑफलाईन योगवर्ग या विभागातून येथील योगशिक्षक शेखर बांदेकर यांना ‘इंडियन आयकॉन अवॉर्ड २०२६’ देऊन गौरविण्यात आले. बांदेकर हे सिंधुदुर्गमध्ये फिटनेस योग ॲकॅडमीच्या माध्यमातून योगाभ्यासाचा प्रसार आणि प्रचार करीत आहेत. तसेच ऑनलाईन स्वरुपातून देशभर निःशुल्क योग वर्ग देखील घेत आहेत. ऑनलाईन स्वरुपामध्ये सिंधुदुर्गसह कोल्हापूर, पुणे, मुंबई, दिल्ली, गुजरात, राजस्थान, नागपूर, अक्कलकोट तसेच अमेरिकेमधून देखील योगाभ्यासप्रेमी योगसाधक नियमित योगाभ्यास करीत आहेत. बांदेकर यांच्या योग सेवेची दखल घेत त्यांची या राष्ट्रीय पुरस्कारासाठी निवड करण्यात आली. ज्ञान उदय फाउंडेशनचे डायरेक्टर नागेश राठोर यांनी त्यांचे विशेष अभिनंदन केले.