swt168.jpg
24918
बडोदा ः गौरी कुलकर्णी यांना मान्यवरांच्या हस्ते गौरविण्यात आले.

मराठी साहित्य स्पर्धेत
‘पारख’ला प्रथम क्रमांक
सकाळ वृत्तसेवा
सावंतवाडी, ता. १६ ः बृहन्महाराष्ट्र मंडळ, नवी दिल्ली यांच्या शताब्दी वर्षाच्या निमित्ताने आयोजित करण्यात आलेल्या अखिल भारतीय स्तरावरील मराठी साहित्य स्पर्धेचा निकाल जाहीर झाला. या स्पर्धेत गोव्याच्या (मालपे-पेडणे) गौरी कुलकर्णी यांच्या ‘पारख’ या कथेने प्रथम क्रमांकाचे पारितोषिक पटकावले. या यशाबद्दल त्यांचे सर्वत्र कौतुक होत आहे.
​या स्पर्धेचा बक्षीस वितरण सोहळा ६ फेब्रुवारीला सायंकाळी ६ वाजता बडोदे येथील ब्राह्मण सभेच्या कानिटकर सभागृहात उत्साही वातावरणात झाला. महाराजा सयाजीराव विद्यापीठाचे कुलगुरू प्रा. डॉ. भालचंद्र भणगे यांच्या अध्यक्षतेखाली आणि त्यांच्याच हस्ते गौरी कुलकर्णी यांना पारितोषिक प्रदान करून त्यांना सन्मानित करण्यात आले. स्मृतिचिन्ह, प्रशस्तीपत्रक आणि पुष्पगुच्छ असे या पुरस्काराचे स्वरूप होते. ​
याप्रसंगी व्यासपीठावर बृहन्महाराष्ट्र मंडळाचे प्रधान कार्यवाह दिलीप कुंभोजकर आणि महाराजा सयाजीराव विद्यापीठाच्या मराठी विभागाचे प्रमुख संजय करंदीकर यांची प्रमुख उपस्थिती होती. या संपूर्ण स्पर्धेचे आयोजन बृहन्महाराष्ट्र मंडळाचे गुजरात विभागाचे विभागीय कार्यवाह डॉ. धनंजय मुजुमदार यांनी केले. अखिल भारतीय स्तरावर झालेल्या या स्पर्धेत अनेक दर्जेदार साहित्यिकांनी सहभाग घेत. ज्यामध्ये गौरी कुलकर्णी यांच्या कथेने बाजी मारली.