शिवजन्मोत्सवानिमित्त युवा सेनेतर्फे
मोफत आरोग्य तपासणी शिबिर
रत्नागिरी, ता. १७ : शिवसेना-युवासेना यांच्यावतीने शिवजन्मोत्सवाचे औचित्य साधत आणि युवासेना कार्यकारिणी सदस्य तथा कोकण निरीक्षक अथर्व राजन साळवी यांच्या वाढदिवसानिमित्त गुरुवारी (ता. १९) मोफत आरोग्य तपासणी व चष्मेवाटप शिबिराचे आयोजन केले आहे.
सकाळी १० ते दुपारी २ या वेळेत आरोग्य तपासणी शिबिर होईल. हे शिबिर आमदार राजन साळवी यांच्या आठवडा बाजारातील शिवसेना कार्यालयात होणार आहे. यात नेत्ररोग तपासणी, चष्मे वाटप, आरोग्य तपासणी, रक्तदाब व रक्तशर्करा तपासणी आणि मोफत औषधांचे वाटप करण्यात येणार आहे. या उपक्रमाचा जास्तीत जास्त नागरिकांनी लाभ घ्यावा, असे आवाहन आयोजक अथर्व साळवी मित्रपरिवार व जिजाऊ प्रतिष्ठान यांच्यावतीने करण्यात आले आहे.