‘माहेर’च्या चित्रकला स्पर्धेचा निकाल जाहीर
सकाळ वृत्तसेवा
रत्नागिरी, ता. १८ : महाराष्ट्राचे आराध्य दैवत छत्रपती शिवाजी महाराज यांची ३९६वी जयंती १९ फेब्रुवारी रोजी साजरी होत आहे. या निमित्त माहेर संस्था आयोजित चित्रकला स्पर्धेचा निकाल जाहीर करण्यात आला.
स्पर्धा गट इ. पाचवी ते बारावी व खुला गट अशा दोन गटात ही पार पडली. छत्रपती शिवाजी महाराजांचे चित्र, शिवकालीन कोणत्याही एका किल्ल्याचे चित्र, शिवराज्याभिषेक चित्र आणि छत्रपती शिवाजी महाराज यांच्या जीवनातील एक धाडसी प्रसंग हे विषय चित्रकला स्पर्धेसाठी होते. या स्पर्धेला उत्स्फूर्तपणे समाजातून प्रतिसाद मिळाला. दोन्ही गटाची मिळून एकूण ५० चित्रे संस्थेकडे जमा झाली होती. या स्पर्धेमध्ये पाचवी ते बारावी या गटामध्ये प्रथम ऋषभ कोतवडेकर, द्वितीय सुनिधी मोटेगावकर, (मालाड), तृतीय आरती अहिरे (गोरेगाव पूर्व), खुल्या गटांमध्ये प्रथम प्राची बलेकर (सैतवडे), द्वितीय खुशी पराडकर (शिरगाव), तृतीय नेत्रा मेस्त्री (राजापूर) यांनी मिळवला. विजेत्यांना हातखंबा- निवळीफाट्याजवळ माहेर संस्थेत १९ फेब्रुवारीला शिवजयंतीच्या कार्यक्रमात सन्मानचिन्ह व प्रमाणपत्र देऊन सन्मान करण्यात येणार आहे.