- ratchl२४३.jpg-
२६O२६८९२
चिपळूण ः कार्यपूर्तीचा आनंद साजरा करताना वकील संघ आणि भाजप पदाधिकारी.
------
चिपळूणात दिवाणी न्यायालय
स्थापनेच्या निर्णयाचे स्वागत
सकाळ वृत्तसेवा
चिपळूण, ता. २४ ः महाराष्ट्राचे मुख्यमंत्री देवेंद्र फडणवीस यांनी चिपळूण येथे दिवाणी न्यायालय वरिष्ठ स्तर स्थापन करण्याबाबत वकिलांना आश्वस्त केले होते. यानंतर सर्व तांत्रिक प्रक्रिया पूर्ण करून कॅबिनेट बैठकीत येथे दिवाणी न्यायालय वरिष्ठ स्तर स्थापन करण्याबाबतचा निर्णय झाला आहे. सरकारच्या या निर्णयाचे वकिलांसह नागरिकांनीही स्वागत केले. भाजपचे रत्नागिरी दक्षिणचे नवनिर्वाचित जिल्हाध्यक्ष प्रशांत यादव यांच्या उपस्थितीत चिपळूण तालुका वकील संघाच्या कार्यालयात भाजप पदाधिकारी व वकिलांनी कार्यपूर्तीचा आनंद साजरा केला.
भाजप चिपळूण शहर मंडल आयोजित या कार्यक्रमात बोलताना जिल्हाध्यक्ष प्रशांत यादव यांनी वकील संघाला सर्वतोपरी सहकार्य करण्याचे आश्वासन दिले. चिपळूण येथे दिवाणी न्यायालय वरिष्ठ स्तर स्थापन व्हावे यासाठी सातत्याने पाठपुरावा करणारे ॲड. पांडे यांचेही आभार व्यक्त करण्यात आले. या वेळी शहराध्यक्ष शशिकांत मोदी, चिपळूण तालुका वकील संघाचे अध्यक्ष ॲड. नितीन सावंत, उपाध्यक्ष ॲड. पवार, खजिनदार ॲड. मिलिंद तांबे, ॲड. मनोहर यादव, ॲड. नितीन केळकर, ॲड. संजय केतकर आदी उपस्थित होते.