‘स्पार्क मॅनेजमेंट’
घरडामध्ये उपक्रम
चिपळूण, ता. २७ ः खेड तालुक्यातील लवेल येथील घरडा अभियांत्रिकी महाविद्यालयात ‘स्पार्क ऑन–टेक-मॅनेजमेंट फेस्ट’ हा आंतरमहाविद्यालयीन उपक्रम घेण्यात आला. घरडाच्या एमएमएस आणि एमसीए विभागाने याचे आयोजन केले होते. विद्यार्थ्यांच्या तांत्रिक, व्यवस्थापकीय आणि सर्जनशील कौशल्यांना चालना देण्यासाठी हा उत्सव घेण्यात आला. कार्यक्रमाचे उद्‍घाटन प्राचार्य डॉ. पाटील यांच्या हस्ते झाले. स्पार्कऑनच्या माध्यमातून विविध महाविद्यालयांतील विद्यार्थ्यांना एकत्र येऊन आपली कौशल्ये प्रदर्शित करण्याची संधी मिळाली. या फेस्टमध्ये बिझनेस प्लॅन, प्रोजेक्ट स्पर्धा,रील बनवणे, फोटोग्राफी, अॅड मॅड शो, लोगो, पोस्टर, बीजीएमटी अशा विविध स्पर्धांचे आयोजन करण्यात आले होते. या कार्यक्रमात विविध महाविद्यालयांतील विद्यार्थी मोठ्या उत्साहाने सहभागी झाले होते. या कार्यक्रमाच्या यशस्वितेसाठी एमएमएस विभागप्रमुख प्रा. प्रथमेश तांबे, डॉ. पूनम शिट्याळकर, कार्यक्रम समन्वयक प्रा. मंगेश ठसाळे, प्रा. श्रृंगी तेली आदींनी मेहनत घेतली.