स्कॉनतर्फे मोफत
मोतिबिंदू शस्त्रक्रिया
चिपळूण ः तालुक्यातील रामपूर प्राथमिक आरोग्यकेंद्रात स्कॉन उद्योग समुहाच्यावतीने मोफत नेत्र तपासणी मोतीबिंदू शस्त्रक्रिया शिबिर शनिवारी (ता. २८) आयोजित करण्यात आले आहे. स्कॉन उद्योगसमुहाचे संस्थापक अध्यक्ष नीलेश चव्हाण यांच्या पुढाकाराने हे शिबिर घेण्यात आले आहे. रामपूर प्राथमिक आरोग्यकेंद्रात सकाळी १० ते ४ या वेळेत मोफत नेत्र तपासणी आणि मोतीबिंदू शस्त्रक्रिया केल्या जाणार आहेत. मोतीबिंदू शस्त्रक्रियेसाठी सामान्य रुग्णांना मोठा खर्च करावा लागतो. अशा रुग्णांना दिलासा मिळण्यासाठी उद्योजक नीलेश चव्हाण यांनी या शिबिरासाठी पुढाकार घेतला. शिबिरात रुग्णांची नेत्रतपासणी केल्यानंतर ज्यांना शस्त्रक्रियेची गरज आहे अशा रुग्णांची मोफत शस्त्रक्रिया केली जाणार आहे. गरजूंनी याचा लाभ घ्यावा, असे आवाहन करण्यात आले आहे.