-rat२८p७.jpg-
२६O२७७९०
संगमेश्वर ः डिंगणी रस्त्याशेजारी पाइपलाइन टाकण्यासाठी करण्यात आलेली खोदाई.
------
डिंगणी रस्त्यावर खोदाईमुळे मार्ग बंद
सकाळ वृत्तसेवा
संगमेश्वर, ता. २८ ः तालुक्यातील खाडी समांतर असलेल्या संगमेश्वर-डिंगणी रस्त्यावर गॅस पाइपलाइन टाकण्याच्या कामासाठी मोठ्या प्रमाणात खोदाई करण्यात येत आहे. त्यामळे डिंगणी गावातील शेतकऱ्यांचे शेतीकडे जाणारे मार्ग बंद झाले आहेत.
पाइपलाइन टाकण्यासाठी करण्यात आलेल्या खोल खोदाईमुळे रस्त्यावर मोठे खंदक निर्माण झाले आहेत. या परिस्थितीत शेतकऱ्यांना ट्रॅक्टर, बैलगाड्या किंवा पायी देखील शेतात जाणे कठीण झाले आहे. परिणामी शेतीची दैनंदिन कामे ठप्प झाली आहेत. शेतीकडे जाण्यासाठी पर्यायी मार्ग उपलब्ध करून दिलेला नाही. काम सुरू करण्यापूर्वी कोणतीही पूर्वसूचना देण्यात आली नाही. त्यामुळे शेतकऱ्यांची गैरसोय होत आहे.