Latest Marathi News Update: राज्य आणि देशात विदेशात कुठे काय घडलं? जाणून घ्या...

शेलगाव खुर्द येथे शेतकऱ्यांच्या शेतात जीवघेणी परिस्थिती निर्माण झाली असून, खाली झुकलेल्या वीजतारांमुळे शेतकऱ्यांच्या जीवाला धोका निर्माण झाला आहे..- तर उर्वरित तिघांची २० तारखेपर्यंत पोलीस कोठडीत रवानगी - आरोपी क्रमांक १ पासून आरोपी क्रमांक पाच पर्यंत सगळ्या आरोपींना न्यायालयीन कोठडी - रौनक खंडेलवाल, आकाश सामल, सन्नी जैन, बालकृष्णन कुरूप आणि प्रतिक पांडे यांना न्यायालयीन कोठडी.कोल्हापूर-गगनबावडा महामार्गावरील बालिंगा-नागदेववाडी वेशीवर असलेल्या प्लास्टिक कचरा डेपोला अज्ञातांनी आग लावली.. फुलंब्री : तालुक्यातील शेलगाव खुर्द येथे शेतकऱ्यांच्या शेतात जीवघेणी परिस्थिती निर्माण झाली असून, खाली झुकलेल्या वीजतारांमुळे शेतकऱ्यांच्या जीवाला धोका निर्माण झाला आहे. शेताच्या मधोमध अतिशय कमी उंचीवरून गेलेल्या या वीजवाहिन्यांमुळे कोणत्याही क्षणी मोठा अपघात घडण्याची शक्यता व्यक्त केली जात आहे..नेस्को ड्रग्स प्रकरणात न्यायालयाने महत्त्वाचा निर्णय देत पाच आरोपींना न्यायालयीन कोठडी सुनावली असून उर्वरित तिघांना वीस तारखेपर्यंत पोलीस कोठडीत पाठवण्यात आले आहे. आरोपी क्रमांक एक ते पाच या सर्वांना न्यायालयीन कोठडी देण्यात आली असून यात रौनक खंडेलवाल, आकाश सामल, सन्नी जैन, बालकृष्णन कुरूप आणि प्रतिक पांडे यांचा समावेश आहे. तर आनंद पटेल, विनीत गेरेलानी आणि आयुष साहित्य यांना पुढील तपासासाठी पोलीस कोठडीत ठेवण्याचे आदेश देण्यात आले आहेत..नागपूरच्या कळमना परिसरात पंधरा एप्रिलच्या रात्री डिप्टी सिग्नलजवळ पीएसआय सचिन वाकलेकर यांच्यावर काही आरोपींनी अचानक चाकूने हल्ला केला होता. या घटनेनंतर पोलिसांनी सीसीटीव्ही चित्रफीत आणि प्रत्यक्षदर्शींच्या मदतीने महेंद्र, धर्मेंद्र आणि सोनू या तीन आरोपींना ताब्यात घेतले. हे तिघे मध्यप्रदेशातील छिंदवाडा येथील रहिवासी असल्याचे समोर आले. संबंधित आरोपींनी परिसरात दहशत निर्माण केली होती, त्यामुळे ती दहशत कमी करण्यासाठी पोलिसांनी अटक केल्यानंतर त्यांची वरात काढत कठोर संदेश दिला..निवडणूक आयोगाने महाराष्ट्रात विशेष मतदार यादी पुनरिक्षणाची मोहिम सुरू केली असून, आतापर्यंत ज्या राज्यांमध्ये ही प्रक्रिया राबवली गेली आहे त्या ठिकाणी लाखो मतदारांची नावे यादीतून वगळली गेल्याचे दिसून आले आहे. मुंबईत कोणत्याही पात्र मतदाराचे नाव चुकीच्या पद्धतीने वगळले जाऊ नये यासाठी मुंबई युवक काँग्रेसतर्फे पदाधिकारी व कार्यकर्त्यांसाठी विशेष प्रशिक्षणाचे आयोजन करण्यात आले. हे प्रशिक्षण मुंबईतील गांधी भवन तन्ना हाऊस येथे पार पडले, ज्यामध्ये विविध भागांतून आलेल्या कार्यकर्त्यांनी सहभाग घेतला आणि मतदार यादी अचूक ठेवण्यासाठी आवश्यक माहिती व मार्गदर्शन देण्यात आले..नाशिकमध्ये टीसीएस कंपनीशी संबंधित धर्मांतरण आणि महिला कर्मचाऱ्यांच्या लैंगिक शोषणाच्या प्रकरणाला नवे वळण मिळाले असून फरार आरोपी निदा खान हिच्या अटकपूर्व जामीन अर्जावर सोमवारी सुनावणी होणार आहे. गरोदर असल्याचे कारण देत तिने अटक टाळण्यासाठी न्यायालयात धाव घेतली आहे. नाशिकरोड न्यायालयात होणाऱ्या या सुनावणीकडे सर्वांचे लक्ष लागले असून या प्रकरणात पुढे काय घडते याबाबत उत्सुकता वाढली आहे..धुळे येथील साक्री रोडवरील जुन्या जिल्हा रुग्णालयाच्या परिसरात आज परिचारिका तसेच राज्य सरकारी कर्मचारी मध्यवर्ती संघटनेच्या नेतृत्वाखाली जोरदार घोषणाबाजीसह तीव्र निषेध आंदोलन करण्यात आले. काल हिरे शासकीय रुग्णालयातील एका वरिष्ठ अधिसेविकेने वॉर्डमध्ये ठरलेले नियम धाब्यावर बसवून जबरदस्तीने प्रवेश केला आणि अरेरावी केली. या प्रकाराचे मोबाईलवर चित्रीकरण करणाऱ्या एका कनिष्ठ महिला कर्मचाऱ्याचा मोबाईल हिसकावून घेतल्याचा, तिला मारहाण केल्याचा आणि जीवे मारण्याची धमकी दिल्याचा गंभीर आरोप होत असून, या संपूर्ण घटनेमुळे कर्मचारी वर्गामध्ये तीव्र संतापाची लाट उसळली आहे.. त्र्यंबकेश्वर दर्शनातील काळाबाजार प्रकरणावर SIT ची स्थापना – अशोक खरात, म्हाडा घोटाळा आणि टीसीएसनंतर आता त्र्यंबकेश्वर दर्शन प्रकरणाची चौकशी SIT मार्फत होणार – दर्शनाच्या काळाबाजाराच्या संपूर्ण प्रकरणाचा SIT कडून सखोल तपास होईल – त्र्यंबकेश्वर येथील दर्शन काळाबाजार प्रकरणाची शासनाने गंभीर नोंद घेतली आहे – विश्वस्त पुरुषोत्तम कडलक, त्यांचे दोन्ही पुतणे आणि एक सहकारी सध्या अटकेत आहेत..सांगली जिल्ह्यातील वाळवा तालुक्यात मागील चार-पाच दिवसांपासून प्रखर उकाडा जाणवत होता. मात्र आज दुपारी चारच्या सुमारास तालुक्यात वादळी वाऱ्यासह अवकाळी पाऊस बरसला आणि त्यामुळे वातावरणात गारवा पसरला..TCS प्रकरणी राष्ट्रीय महिला आयोगाचे पथक नाशिक शहरात बैठक घेऊन प्रकरणाची घेणार माहिती. TSC कंपनीला महिला आयोगाचे सदस्य देणार भेट. चार सदस्यीय असणार हे पथक. आज प्रत्यक्ष घटनास्थळाची देखील पाहणी करणार. मुंबई उच्च न्यायालयाच्या निवृत्त न्यायाधीश साधना जाधव, माजी पोलीस महासंचालक बी के सिन्हा सर्वोच्च न्यायालयाच्या मोनिका अरोरा आणि आयोगाच्या वरिष्ठ समन्वयक यांचा समितीत समावेश असल्याची माहिती..जालना जिल्ह्यात मागच्या काही दिवसापासून उन्हाची तीव्रता वाढली असल्याने लघु मध्यम प्रकल्पातील पाणीसाठ्यात घट होत असल्याने अनेक गावांमध्ये पाणीटंचाईची समस्या गंभीर स्वरूप धारण करत आहे. जालना जिल्ह्यात सद्यस्थितीला सर्वाधिक पाणीटंचाईची दाहकता ही बदनापूर तालुक्यात पाहायला मिळत असून प्रशासनाकडून 12 गावांना टँकरद्वारे पाणीपुरवठा सुरू असल्याची माहिती..गोंदियात दुपारी 12:30 ते 4 पर्यंत ट्रॅफिक सिग्नल बंद असेल. 43 अंश तापमानामुळे हा निर्णय घेतला. नागरिकांच्या मागणीनंतर सिग्नल बंद करण्याचा निर्णय घेतला. भर उन्हात उभे राहण्यापासून सुटका मिळाली. वाहतूक पोलिसांचा महत्त्वाचा निर्णय घेतला. उन्हाच्या पार्श्वभूमीवर वाहतूक पोलिसांचा निर्णय घेतला. त्याचे नागरिकांकडून स्वागत करण्यात आले..लोकसभेत महिला आरक्षण विधेयकाला विरोध करणाऱ्या काँग्रेस सरकारच्या विरोधात शिवसेना महिला आघाडीचे निषेध आंदोलन केले आहे. काँग्रेस सरकारच्या विरोधात घोषणाबाजी सुरु आहे..जामखेड तालुक्यातील बांधखडक परिसरात बैलगाडी उलटून झालेल्या अपघातात गणेश चव्हाण या 28 वर्षीय तरुण शेतकऱ्याचा मृत्यू झाला. .अशोक खरातला नाशिक सत्र न्यायालयाने नायालयीन कोठडी सुनावली असून उद्या पुन्हा एकदा न्यायालयात हजर केले जाणार आहे. . नवी मुंबई परिसरातील जे डब्ल्यू पाडेघर येथील कस्टम गोडाऊनला भीषण आग लागल्याची घटना घडली आहे. सुदैवाने आगीत कोणत्याही प्रकारचे जीवित हानी झाली नसली तरी मोठ्या प्रमाणात वित्तहानी झाली आहे या आगीमुळे कामगारांमध्ये घबराटीचे वातावरण पसरले आहे अग्निशमन दलाच्या अद्याप घटना स्थळी दाखल झाली नाही.नाशिकमधील आयटी कंपनीतील धर्मांतर आणि महिला अत्याचार प्रकरणातील संशयित आरोपी दानिश शेखने जामिनासाठी न्यायालयात अर्ज दाखल केला आहे. दानिशच्या अर्जावर 2 मे रोजी सुनावणी पार पडणार आहे. दानिश शेखविरोधात देवळाली कॅम्प पोलीस ठाण्यात धार्मिक भावना दुखावणे, बलात्काराचा गुन्हा दाखल आहे.TCS कंपनी प्रकरणावर बोलताना चित्रा वाघ यांनी म्हटले की पॉश ॲक्टमध्ये बदल होणे गरजेचे आहे. ज्या कंपनीच्या सहली जातात, तिथे पण महिलांचा छळ केले जातात. व्हॉट्सॲपमध्ये चॅटिंगमधून देखील महिलांना छळाला सामोरे जावे लागते. त्यामुळे बदल होणे गरजेचे आहे. १० पेक्षा जास्त महिला असेल तिथे पॉश ॲक्ट लागू होतो. हे एक विभागाचे काम नाही. यासाठी फ्लाईंग स्क्वॉड निर्माण केला गेला पाहिजे. ज्या गोष्टी कायद्यात सांगितल्या आहे त्याच्या तरतुदी झाल्या पाहिजे. या कायद्यात अट टाकली पाहिजे जेणेकरून ते सरकारी दरबारी आल्या पाहिजे. ९० दिवसाच्या आत न्याय नाही मिळाला तर दंड झाला पाहिजे अशी पण एक तरतूद यात केली पाहिजे. त्या पुढे म्हणाल्या, मुख्यमंत्र्यांना भेटून या सर्व गोष्टी आम्ही सांगणार आहोत. SOP बनवून ती लागू करावी यासाठी मागणी करणार आहोत..चित्रा वाघ यांनी अशोक खरात प्रकणावर भाष्य करताना म्हटले आहे की अशोक खरात यांना पण ठेचण्याचे काम सुरू आहे. महिलांवर अत्याचार करणाऱ्याला सोडणार नाही. तसेच तीन महिन्या अगोदर ही कुणकुण लागली होती, त्याचे पुरावे आले मग खरात वर कारवाई झाली. एखाद्याला पकडणे सोपे पण त्याच्यावरचे आरोप सिद्ध करणे अवघड असते. खरातच्या मागे इडी एसआयटी, सीबीआय सगळे लागलेले आहे. याशिवाय त्यांनी महिलांना आवाहन केले की असे कोण खरात असेल ज्याने गैरफायदा घेतला असेल, त्यांनी पुढे येऊन तक्रारी कराव्यात. त्यांना आपण शिक्षा दिल्या शिवाय राहणार नाही..धुळे जिल्ह्यातील शिंदखेडा येथे गॅस सिलेंडर मिळत नसल्याने नागरिकांनी रास्ता रोको आंदोलन केले. रस्त्यावर बसून वाहनांची अडवणूक करत प्रशासनाविरोधात निषेध व्यक्त करण्यात आला. अक्षय तृतीय पूर्वीही सिलेंडर उपलब्ध नसल्याने नागरिक संतप्त झाले आहेत. .अमरावती न्यायालयासमोर एका वकिलाला महिलांकडून मारहाण... कौटुंबिक वादातून वकीलाला मारहाण झाल्याची प्राथमिक माहिती मारहारणीचा व्हिडिओ सोशल मीडियावर व्हायरल.. अजूनही पोलिसांत तक्रार दाखल नाही...पंढरपुर येथे चंद्रभागा नदीत पोहण्यासाठी गेलेल्या अमित प्रक्षाळे (३५, रा. नारायण चिंचोली, सध्या पुणे) यांचा बुडून मृत्यू झाला. मित्रांसोबत इसबावी येथील जॅकवेलजवळ पोहताना खोल पाण्याचा अंदाज न आल्याने ते बुडाले. कालपासून सुरू असलेला शोध आज दुपारी संपला असून त्यांचा मृतदेह सापडला. या प्रकरणी पोलिसांनी अकस्मात मृत्यूची नोंद केली आहे..- महिला सुरक्षेसाठी नाशिकमध्ये मोठी बैठकीला सुरुवात- आयटी कंपन्या, औद्योगिक संघटना, प्रशासन आणि लोकप्रतिनिधींची एकत्रित बैठक - जिल्हा प्रशासन आणि महिला व बालविकास विभागाकडून बैठकीचं नियोजन- भाजप नेत्या चित्रा वाघ यांच्यासह महिला लोकप्रतिनिधी उपस्थित.नाशिकमध्ये भोंदू अशोक खरात याला महिला लैंगिक अत्याचाराच्या चौथ्या प्रकरणात १४ दिवसांची न्यायालयीन कोठडी सुनावण्यात आली आहे. दरम्यान, पाचव्या गुन्ह्यात त्याचा ताबा मिळवण्यासाठी विशेष तपास पथकाने (SIT) न्यायालयात अर्ज दाखल केला आहे. या प्रकरणात SIT उद्या पुन्हा पोलीस कोठडीची मागणी करणार असून, अशोक खरातला उद्या पुन्हा न्यायालयात हजर करण्यात येणार आहे..मुंबईतील गोरेगाव येथील नेस्को म्युझिक कन्सर्टदरम्यान झालेल्या ड्रग्स प्रकरणात फरार असलेल्या आरोपीला रायगड जिल्ह्यातील पोलादपूर येथून अटक करण्यात आली आहे. या कन्सर्टमध्ये ड्रग्सच्या अतिसेवनामुळे दोन युवकांचा मृत्यू झाला होता. या घटनेप्रकरणी वनराई पोलीस ठाण्यात NDPS कायद्यान्वये गुन्हा नोंदवण्यात आला होता..नाशिक धर्मांतर प्रकरणातील मुख्य संशयित निदा खान गेल्या २० दिवसांपासून फरार असून, आता तिच्या मेडिकल सर्टिफिकेटमुळे या प्रकरणाला नवे वळण मिळाले आहे. १३ एप्रिल रोजी मुंबईतील एका डॉक्टरकडून तिने प्रमाणपत्र घेतल्याची माहिती समोर आली आहे. फरार असतानाच तिची मुंबईत उपस्थिती असल्याने पोलिसांच्या तपासावर मोठे प्रश्नचिन्ह निर्माण झाले आहे. तसेच डॉक्टरने प्रत्यक्ष तपासणी न करता सर्टिफिकेट दिल्याचा संशय व्यक्त होत असून, त्या सर्टिफिकेटमध्ये निदा खान गर्भवती असल्याचा उल्लेख करण्यात आला आहे..आज मध्यरात्रीपासून मध्य रेल्वेववर १० तासांचा विषेश मेगाब्लॉक घेण्यात येणार आहे. ठाणे आणि डोंबिवली स्थानकांवरील प्लॅटफॉर्म विस्ताराच्या कामासाठी मध्य रेल्वेकडून शनिवारी मध्यरात्रीपासून १० तासांचा विशेष ट्रॅफिक व पॉवर ब्लॉक घेण्यात येणार आहे. रविवारी (१९ एप्रिल) रात्री १२ ते सकाळी १० वाजेपर्यंत हा ब्लॉक राहणार असल्याने मध्य मार्गावरील लोकलसेवा विस्कळीत होणार आहे..नेस्को ड्रॅग्स प्रकरणात आणखी एक फरार आरोपी पोलिसांच्या ताब्यात आला आहे. त्याने विनीत गेरेलानीच्या UPI वर पैसे ट्रान्सफर केल्याचा संशय आहे..पुणे विमानतळावर अपघातामुळे अनेक विमान रद्द इंडिगोची येणारी 31आणि जाणारी 34 अशी एकूण 35 विमान रद्दएयर इंडियाची 6 विमान रद्द .कोकण किनारपट्टी भागात सकाळपासून ढगाळ हवामानतापमान वाढीसोबतच हवामान विभागाचा अवकाळी पावसाचा देखील इशारागेल्या दोन दिवसांपासून जिल्ह्यासाठी यलो अलर्टतापमानाचा पारा 41 अंशांवरकधीही अवकाळी पाऊस बरसेल अशी परिस्थितीअरबी समुद्रावर काय ढगांची दाटीवाटीपुढील दोन दिवस कोकण किनारपट्टी वर अशीच परिस्थिती राहण्याचा इशाराढगाळ वातावरणाचा परिणाम आंब्यावरती होण्याची शक्यता.पुण्यात वारजे माळवाडी येथील पूलावर चालू वाहनाला आग लागलीआगीत चार चाकी मालवाहतूक टेम्पो जळून खाकआगीचे कारण अस्पष्ट.स्टेनोग्राफर पद ही मृत घोषित करू नये. गेली पाच वर्षापासून विद्यार्थी अभ्यास करत आहेत. अचानक असे केल्यास खूप विद्यार्थ्यांचे भवितव्य धोक्यात येत आहे. स्टेनोग्राफर मृत घोषित न करता पद भरती करण्यात यावी ही मागणी विद्यार्थ्यांनी केली आहे.महाराष्ट्र लोकसेवा आयोगाच्या माध्यमातून लघुलेखक (स्टेनोग्राफर) पदाच्या भरती रद्दच्या शासनाच्या निर्णयाचा पुण्यात विद्यार्थ्यांकडून विरोध करण्यात आला. शासनाने निर्णय रद्द करावा या मागणीसाठी विद्यार्थी आक्रमक झाले आहेत..मिरज : ‘‘राज्यातील गौण खनिजाचे अवैध उत्खनन व चोरी रोखण्यासाठी महत्त्वपूर्ण निर्णय घेतला असून, गौण खनिज साठ्यांचे दर तीन महिन्यांनी ‘ईटीएस’ प्रणालीद्वारे सर्वेक्षण केले जाणार आहे,’’ अशी माहिती महसूल मंत्री चंद्रशेखर बावनकुळे यांनी दिली. मिरज येथे आयोजित महाराष्ट्र राज्य डिजिटल मीडियाच्या राज्य अधिवेशन व पुरस्कार वितरण समारंभानंतर ते प्रसारमाध्यमांशी बोलत होते..- महिला सुरक्षेसाठी नाशिकमध्ये आज मोठी बैठक- आयटी कंपन्या, प्रशासन, लोकप्रतिनिधींची एकत्रित बैठक - खरात, एरंडे, TCS प्रकरणानंतर महिलांच्या सुरक्षेचा मुद्दा ऐरणीवर- IT कंपन्यांसह सर्वच ठिकाणी विशाखा समिती तसंच पॉश कायद्याचे विशेष प्रशिक्षण दिले जाणार- ई-बॉक्स पोर्टलद्वारे तक्रार प्रक्रिया सुलभ करणार, महिलांच्या सुरक्षेसाठी ॲक्शन प्लॅन ठरवला जाणार- महिला सुरक्षेसाठी झिरो टॉलरन्स धोरण देखील लागू करणार.- नाशिकच्या TCS कंपनीतील धर्मांतरण आणि महिला कर्मचाऱ्यांचं लैंगिक शोषण प्रकरण - फरार आरोपी निदा खानच्या शोधासाठी SIT ची ३ पथकं मागावर- मात्र निदा खान अद्यापही फरार, निदाचा मोबाईल बंद असल्यानं लोकेशन ट्रेस करण्यात पोलिसांना अडचणी- तर निदा खानच्या अटकपूर्व जामीन अर्जावर आज सुनावणीची शक्यता- आज राष्ट्रीय महिला आयोगाच्या पथकाकडून देखील नाशिकमध्ये येऊन प्रकरणाच्या चौकशीची शक्यता.मालवण : दुचाकीने ओव्हरटेक करताना समोरून येणाऱ्या वाहनाला घाबरून डंपरखाली गेल्याने चौके नांदरुख येथील तरुणाचा जागीच मृत्यू झाला. चंद्रकांत यशवंत चव्हाण (वय ४०) असे मृताचे नाव आहे. मालवणहून चौकेच्या दिशेने जाताना चौके धनगराचा गोठा येथे अपघात झाला. चौके नांदरुख परिसरात राहणारा चव्हाण नेहमीप्रमाणे दुचाकी (एमएच ०७ एडी- १६३३) कामावरून घराच्या दिशेने येत होता. त्यांच्या सोबत मेव्हणे होते. अगदी घराच्या काही अंतरावर असलेल्या मालवण-कसाल मार्गावर चौके धनगराचा गोठा येथे डंपरला (एम एच ०७- एक्स- ०६६६) ओव्हरटेक करत असताना अपघात झाला आणि ते डंपरखाली गेल्याने जागेवरच मृत्यू झाला. सोबत असलेल्या मेव्हण्याला किरकोळ दुखापत झाली..शिर्डी (जि. अहिल्यानगर) : समृद्धी महामार्गावर आज (ता. १७) दुपारी साडेबारा वाजण्याच्या सुमारास झालेल्या अपघातात उद्योजक जितेंद्र शेळके (वय ५६) व त्यांच्या पत्नी अनुराधा (५४) जागीच ठार झाले. त्यांचा मुलगा सूचित (१४) जखमी झाला. अपघातात ठार झालेले शेळके हे भोंदू अशोक खरात याच्या शिवनीका ट्रस्टचे उपाध्यक्ष होते. छत्रपती संभाजीनगरहून शिर्डीकडे येताना कोपरगाव तालुक्यातील धोत्रे शिवारात त्यांची मोटार उभ्या कंटेनरवर जाऊन आदळली. यात शेळके पती-पत्नीचा मृत्यू झाला. खरातप्रकरणी तपास यंत्रणेने त्यांच्याकडे चौकशी केली होती. त्यामुळे त्यांच्या अपघातानंतर माध्यमांमध्ये चर्चा सुरू झाली होती.अपघातात जितेंद्र शेळके जागीच ठार झाले. मात्र, त्यांच्या पत्नी अनुराधा मदतीसाठी ओरडत होत्या. .कुपवाड : पत्नीला घरात ठेवण्याच्या कारणावरून मुलानेच जन्मदात्या आईचा खून केल्याप्रकरणी पोलिसांनी अटक केलेल्या संशयित जगदीश ऊर्फ पवन जीवन झेंडे (वय २८, झेंडे मळा, मानमोडी, ता. मिरज) याला न्यायालयाने पाच दिवस पोलिस कोठडी दिली. मृत संगीता जीवन झेंडे या पती व मुलासह मानमोडी (ता. मिरज) येथील झेंडे मळ्यात राहत होत्या. बुधवारी (ता. १५) सायंकाळी जीवन झेंडे रात्रपाळीला कामावर गेले होते. संगीता व त्यांचा मुलगा जगदीश दोघेच घरात होते. जगदीश याची पत्नी सोनाली हिला घरात ठेवण्यावरून या दोघांत भांडण झाले. यावेळी रागातून संशयित जगदीशने घरात कोणी नसल्याचे पाहून संगीताचे तोंड, नाक, गळा दाबून तिचा खून केला. गुरुवारी सकाळी नेहमीप्रमाणे जीवन रात्रपाळीच्या कामावरून घरी आले असता, हा खून उघडकीस आला. संशयित जगदीश झेंडे याला न्यायालयाने पाच दिवस पोलिस कोठडी सुनावली..नवी दिल्ली : भारताची अणुऊर्जेची क्षमता सध्या ८.८ गिगावॉट असून, ती २०४७ पर्यंत दहा पटींनी वाढवून १०० गिगावॉटपर्यंत नेण्याचे उद्दिष्ट आहे, असे प्रतिपादन केंद्रीय वीज प्राधिकरणाचे अध्यक्ष घनश्याम प्रसाद यांनी केले. दिल्लीमध्ये ‘भारताचा १०० गिगावॉट अणुऊर्जेचा आराखडा’ या विषयावर आयोजित कार्यक्रमानंतर प्रसाद बोलत होते. ते म्हणाले, ‘आपण २०४७ पर्यंत अणुउर्जेतून १०० गिगावॉटपर्यंत कशी वीजनिर्मिती करू, याविषयी एक अहवाल तयार करण्यात आला आहे. आता आपली क्षमता ८.८ गिगावॉटची आहे. .Latest Marathi Live Updates 18 April 2026 : लोकसभा आणि राज्यांच्या विधानसभांमध्ये महिलांसाठी ३३ टक्के आरक्षण लागू करण्यासाठीचे महत्त्वाकांक्षी घटनादुरुस्ती विधेयक लोकसभेत आज फेटाळले गेले. घटनादुरुस्तीसाठी दोन-तृतीयांश मतांची बेगमी करण्यात मोदी सरकार अपयशी ठरले. विधेयकाच्या मंजुरीसाठी ३५२ मतांची गरज असताना विधेयकाच्या बाजूने २९८ तर विधेयकाच्या विरोधात २३० मते पडली. सरकारचा हा गेल्या १२ वर्षांतील लोकसभेतील पहिलाच नामुष्कीवजा पराभव आहे. या पराभवानंतर आता देशभरात आंदोलन करण्याची घोषणा सत्ताधारी भाजपने केली आहे. याशिवाय देश-राज्यातील इतर महत्त्वाच्या घडामोडी, वाहतूक कोंडी, राजकीय हालचाली, क्रीडा, मनोरंजन आणि मान्सूनविषयक अपडेट्स यांची सविस्तर माहिती एका क्लिकवर उपलब्ध आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Update: राज्य आणि देशात विदेशात कुठे काय घडलं? जाणून घ्या...

शेतकऱ्यांच्या शेतातच मृत्यूचा सापळा..!

Related Stories

Latest Marathi News Update: राज्यासह देशात आज कुठे काय घडलं? जाणून घ्या...

Latest Marathi News Live Update : महाराष्ट्रासह देशभरातील विविध घडामोडी वाचा एका क्लिकवर!

Latest Marathi News Update : राज्यासह देशविदेशात दिवसभरात काय काय घडलं? वाचा एका क्लिकवर...

Latest Marathi News Update : राज्यासह देशात कुठे काय घडलं? जाणून घ्या...