28593
सावंतवाडी येथे लवकरच
‘आयुष’ची बाह्यरुग्णसेवा
केसरकरांचे प्रयत्न; अधिकाऱ्यांशी चर्चा
सकाळ वृत्तसेवा
सावंतवाडी, ता. ४ ः गोवा येथील आयुष मंत्रालयाच्या आयुर्वेद संस्थेची ओपीडी (बाह्यरुग्ण विभाग) सावंतवाडी येथे लवकरच सुरू होणार आहे. याबाबत राज्याचे माजी मंत्री तथा आमदार दीपक केसरकर यांनी मंगळवारी (ता. ३) गोवा-धारगळ येथील आयुर्वेद संस्थेत भेट देऊन वरिष्ठ अधिकाऱ्यांशी सविस्तर चर्चा केली.
सावंतवाडी आणि परिसरातील नागरिकांना उत्तम आरोग्य सुविधा मिळाव्यात, या उद्देशाने ही ओपीडी सुरू करण्याचा मानस आमदार केसरकर यांनी व्यक्त केला होता. या बैठकीत ओपीडीच्या नियोजनाबाबत सकारात्मक चर्चा झाली. सावंतवाडी येथे ही सुविधा सुरू करण्यासाठी आवश्यक असलेले सर्व सहकार्य आणि कार्यवाही तातडीने पूर्ण करण्याचे आश्वासनही आमदार केसरकर यांनी यावेळी दिले. या निर्णयामुळे सावंतवाडीची आरोग्य सुविधा अधिक सक्षम होणार असून याचा लाभ जिल्ह्यातील रुग्णांना होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.