30001

उखाणे, संगीत खुर्ची स्पर्धेतून
धाकोरेत महिलांना व्यासपीठ

सकाळ वृत्तसेवा
आरोंदा, ता. १० ः जागतिक महिला दिनाचे औचित्य साधून धाकोरे शाळा क्र. १ येथे विविध स्पर्धा व मार्गदर्शन वर्गाचे आयोजन करण्यात आले होते. या कार्यक्रमाला महिलांचा उत्स्फूर्त प्रतिसाद मिळाला.
धाकोरे गावच्या स्नेहा मुळीक, बचतगटाच्या सीआरपी श्रीमती प्रभुराळकर, शाळा व्यवस्थापन समिती अध्यक्षा यशश्री पवार, धाकोरे गावचे पोलिसपाटील श्रीराम प्रभुराळकर, उपाध्यक्ष रवींद्र मुळीक उपस्थित होते. शाळेच्या शिक्षिका प्रेरणा गोवेकर यांनी महिला दिनाचे महत्त्व सांगितले. पोलिसपाटील श्रीराम प्रभुराळकर यांनी सावित्रीबाई फुले यांनी केलेल्या त्यागाची आठवण करून दिली. महिलांसाठी उखाणे स्पर्धा, संगीत खुर्ची, रस्सीखेच व इतर फनी गेम्स अशा विविध कार्यक्रमांचे आयोजन करण्यात आले. विजेत्यांना बक्षीसे देण्यात आली. कार्यक्रमाचे आयोजन शाळेचे मुख्याध्यापक दिगंबर तळणकर, प्रेरणा गोवेकर व सहाय्यक शिक्षक सोनल जाधव यांच्या सहकार्याने केले.