जामसंडेत रिक्षा उलटून
चालक, प्रवासी जखमी
देवगड, ता. १० : जामसंडे परिसरात रिक्षा उलटून झालेल्या अपघातात चालकासह आतील काही प्रवासी जखमी झाले. जखमींमध्ये महिलांचा सहभाग होता. अपघाताची ही घटना जामसंडे-पडेल मार्गावर आज दुपारी जामसंडे परिसरात घडली. रिक्षा पडेलच्या दिशेने जात असताना एका वळणरस्त्यावर अपघात घडला. जखमींवर येथील ग्रामीण रुग्णालयात प्राथमिक उपचार करण्यात आले. सायंकाळी उशिरापर्यंत अपघाताची येथील पोलिस ठाण्यात नोंद करण्यात आली नाही.