चिपळुणात आज रंगभरणसह
चित्रकला, वक्तृत्व स्पर्धा
चिपळूण ः जलजागृती सप्ताह व जागतिक जलदिनानिमित्त जलसंपदा आणि शिक्षण विभागातर्फे सोमवारी (ता. २३) सकाळी आठ वाजता रामतीर्थ तलाव येथे रंगभरण, चित्रकला व वक्तृत्व स्पर्धाचे आयोजन करण्यात आले आहे.
स्पर्धेमध्ये विद्यार्थ्यांना रेखाचित्र देण्यात येणार असून, त्यामध्ये त्यांनी रंग भरावयाचे आहेत. पाचवी ते दहावीच्या विद्यार्थ्यांना पाणी वाचवा जीवन वाचवा, जलप्रदूषण टाळा व पाण्याची साठवणूक व पुनर्वापर, असे विषय देण्यात आले आहेत.
याच पद्धतीने वक्तृत्व स्पर्धा घेण्यात येणार आहे. स्पर्धा झाल्यावर त्याच ठिकाणी ११ वा. नगराध्यक्ष उमेश सकपाळ, पंचायत समिती सभापती सूर्यकांत खेतले, उपसभापती संदेश आयरे व उपनगराध्यक्ष रूपाली दांडेकर यांच्या हस्ते बक्षीस समारंभ होणार आहे.