जामसंडे येथे उद्या
सकल हिंदू संमेलन
सकाळ वृत्तसेवा
देवगड, ता. २७ ः राष्ट्रीय स्वयंसेवक संघाच्या शताब्दीवर्षानिमित्त नियोजित कार्यक्रमाचा एक भाग म्हणून रविवारी (ता.२९) सायंकाळी ४ ते ७ या वेळेत जामसंडे येथील सांस्कृतिक भवनमध्ये सकल हिंदू संमेलनाचे आयोजन केले आहे. या कार्यक्रमात हिंदूंनी सहभागी होण्याचे आवाहन संघाचे देवगड तालुका कार्यवाह महेश कानेटकर आणि सकल हिंदू समाज समिती संयोजक विलास रुमडे यांनी संयुक्तपणे केले.
कार्यक्रमाच्या आयोजनाबाबत जामसंडे येथील टिळक स्मारकमध्ये माध्यमांना माहिती देण्यात आली. श्री. कानेटकर म्हणाले, "राष्ट्रीय स्वयंसेवक संघाच्या शताब्दीवर्षानिमित्त विविध कार्यक्रमांचे आयोजन केले आहे. याचाच एक भाग म्हणून सकल हिंदू संमेलनाचे आयोजन केले आहे. प्रमुख पाहुणे म्हणून शुभम पाटकर (तळेबाजार) उपस्थित राहणार असून प्रमुख वक्ते डॉ. सच्चिदानंद शेवडे यांचे व्याख्यान होणार आहे. तत्पूर्वी शोभायात्रेचे आणि सांस्कृतिक कार्यक्रम होणार आहेत. या कार्यक्रमाचे आयोजन सकल हिंदू समाज देवगड व मोंड मंडल यांच्या वतीने करण्यात आहे. हिंदू धर्म परंपरा, संस्कृती आणि मुल्यांचे संवर्धन आणि संरक्षण करण्यासाठी या संमेलनाचे आयोजन केले आहे.