34148

गोळाफेक स्पर्धेमध्ये
अंतरा मठकर प्रथम

सकाळ वृत्तसेवा
आरोंदा, ता. २९ ः जिल्हा परिषद पूर्ण प्राथमिक शाळा तळवणे क्र. २ सातवीतील विद्यार्थिनी अंतरा मठकर हिने सिंधुदुर्ग जिल्हास्तरीय गोळाफेक स्पर्धेत मोठ्या गटातून प्रथम क्रमांक पटकावला. जिल्हा परिषद सदस्य सुदन कवठणकर यांच्या हस्ते तिचा सत्कार करण्यात आला.
यावेळी तिला छत्रपती श्री शिवाजी महाराज यांची प्रतिमा भेट दिली. मेहनत, चिकाटी आणि शिस्तबद्ध सरावामुळेच हे यश मिळाल्याचे मत यावेळी उपस्थितांनी व्यक्त केले. शाळेच्यावतीनेही तिचे अभिनंदन करण्यात आले. यावेळी उपसरपंच रामचंद्र गावडे, अंतराचे वडील बापू मठकर, आई अनुष्का, प्रवीण बर्वे, बाबा पालव, तुषार पालव, विश्राम पोळजी, भरत कांबळी, लवू कांबळी, अनिल मठकर, सुरेंद्र मठकर, अजित पोळजी, संदेश कांबळी, रेश्मा कांबळी, कांती मठकर आणि विद्यार्थी उपस्थित होते. या उल्लेखनीय यशाबद्दल अंतराचे कौतुक होत आहे.