धनगर समाज मुंबई
प्रदेशाध्यक्षपदी पटकारे
रत्नागिरी : ऑल इंडिया धनगर समाज महासंघाच्या मुंबई प्रदेशाध्यक्ष पदी पाचल (ता. राजापूर) येथील संतोष महादेव पटकारे यांची नियुक्ती करण्यात आली. महाराष्ट्र प्रदेशाध्यक्ष प्रवीण काकडे यांनी ही निवड जाहीर केली. प्रदेशाध्यक्ष युवा आघाडीचे संतोष पटकारे हे दरवर्षी सामाजिक व शैक्षणिक, क्रीडा क्षेत्रात योगदान देतात. दरवर्षी वडीलांच्या स्मरणार्थ गोरगरीब विद्यार्थ्यांना शैक्षणिक साहित्य वाटप आणि खेळाडूंना मदत करतात. ही निवड चेंबूर येथील स्वामी विवेकानंद कॉलेजच्या पटांगणात आयोजित कार्यक्रमात केली. यावेळी भरत बोडेकर यांच्या स्मरणार्थ कार्यक्रम आयोजित केला होता. या वेळी राज्य संघटक विजय कोकरे, गणेश गोरे, सुनील गोरे, परेश गोरे, मारुती झोरे, पांडुरंग काळे, मनोहर कोकरे, पांडुरंग गोरे, गणेश शेळके, संतोष खुटेकर, प्रकाश देसाई, संजय झोरे, संदीप झोरे, नवलराज काळे आदी उपस्थित होते.