rat1p15.jpg -
34711
प्रा. डॉ. वर्षा फाटक
----------
डॉ. वर्षा फाटक यांच्या
कथासंग्रहाला पुरस्कार
साखरपा, ता. १ : देवरूख येथील आठल्ये-सप्रे-पित्रे महाविद्यालयातील मराठी विभाग प्रमुख प्रा. डॉ. वर्षा फाटक यांच्या पाश या कथासंग्रहास राज्यस्तरीय पुरस्कार जाहीर झाला आहे. गारगोटी येथील अक्षरसागर साहित्य मंच या संस्थेने उत्कृष्ट कथासंग्रह म्हणून या पुस्तकाची निवड केली आहे. प्रा. डॉ. वर्षा फाटक यांचा पाश हा अनुवादित कथासंग्रह २०२५ साली तेजश्री प्रकाशनाद्वारे प्रकाशित झाला. अचला नागर, अलका सरावगी, ऋता शुक्ल, कमाल कुमार, कृष्णा अग्निहोत्री, चित्रा मुद्गल, नमिता सिंग, पुष्पपाल सिंग, मंजुल भगत, ममता कालिया, मृदुला गर्ग, राजी सेठी, सिम्मी हर्षिता, सुषम बेदी, सूर्यबाला, मालती जोशी आणि शिवशरण सिंग ह्या लेखिकांच्या एकूण १९ कथा डॉ. फाटक यांनी हिंदीतून मराठीत अनुवादित केल्या आहेत. कथासंग्रहाला गारगोटी येथील अक्षरसागर साहित्य मंच या संस्थेचा उत्कृष्ट साहित्य पुरस्कार हा मानाचा पुरस्कार जाहीर झाला आहे. २५ एप्रिलला गारगोटी येथील शाहू वाचनालयात प्रा. डॉ. वर्षा फाटक यांना हा पुरस्कार देऊन सन्मानित करण्यात येणार आहे.