rat२p१.jpg-
२६O३४८४०
रत्नागिरी : फाटक हायस्कूलमध्ये राष्ट्रपती पुरस्कार विजेत्या लेखिका, शोभा नाखरे यांचा सत्कार करताना मुख्याध्यापक राजन कीर.
----
शिक्षकांनीच बदल घडवावा
शोभा नाखरे ः फाटक स्मृतीदिनानिमित्त व्याख्यान
सकाळ वृत्तसेवा
रत्नागिरी, ता. २ : निष्काम कर्म करणारे शिक्षक समाजाला घडवतात. शिक्षकांनी स्वतःपासूनच बदल घडवून आणावा, शिक्षकांनी सकारात्मकता, स्वदेशीचा वापर आणि सोशल मीडियाचा योग्य उपयोग करावा. शिक्षक हे विद्यार्थ्यांचे आदर्श असतात. त्यांचा पेहराव, वर्तन, नम्रपणा आणि संस्कार यांचा विद्यार्थ्यांवर मोठा प्रभाव पडतो, असे प्रतिपादन राष्ट्रपती पुरस्कार विजेत्या लेखिका, निवेदिका शोभा नाखरे यांनी केले.
फाटक हायस्कूलचे संस्थापक गुरूवर्य कै. पुरुषोत्तम वासुदेव फाटक यांच्या स्मृतिदिनानिमित्त शिक्षक एक सामाजिक भान या विषयावर नाखरे यांनी उद्बोधक व्याख्यान दिले.
या प्रसंगी संस्थेच्या कार्याध्यक्ष व फाटक गुरुजींची नात दाक्षायणी बोपर्डीकर यांनी पुरुषोत्तम फाटक गुरूजींच्या कार्याचा आढावा घेतला. या वेळी दी न्यू एज्युकेशन सोसायटीचे अध्यक्ष अॅड. बाबासाहेब परूळेकर, मुख्याध्यापक राजन कीर, उपाध्यक्ष सुमिता भावे, कार्याध्यक्ष दाक्षायणी बोपर्डीकर, उपकार्याध्यक्ष शेखर शेट्ये, गोपालकृष्ण नाखरे मंचावर उपस्थित होते.