फणसाला नवे मूल्य
किरण सामंत ः राजापूरात प्रक्रिया उद्योग सुरू
सकाळ वृत्तसेवा
राजापूर, ता. ४ ः राजापूर तालुक्यातील जामदा व्हॅली फार्मर प्रोड्युसर कंपनीमार्फत मूर येथे जिल्ह्यातील पहिला फणस प्रक्रिया उद्योग सुरू करण्यात आला आहे. शेतकऱ्यांच्या आर्थिक उन्नतीसह त्यांच्या शेतीमालाला योग्य बाजारपेठ उपलब्ध करून देण्यासाठी या कंपनीने उचललेले महत्त्वपूर्ण पाऊल ठरणार आहे, असे प्रतिपादन आमदार किरण सामंत यांनी केले.
मूर येथे सुरू करण्यात आलेल्या जामदा व्हॅली फार्मर प्रोड्युसर कंपनीचा प्रारंभ आमदार सामंत यांच्या हस्ते झाला. या वेळी शिवसेनेचे तालुकाप्रमुख दीपक नागले, पंचायत समितीच्या सभापती नंदिनी कदम, जिल्हा परिषद सदस्य सिद्धाली मोरे, पंचायत समिती सदस्य समीक्षा वाफेलकर, अपेक्षा मासये, माजी जिल्हा परिषद सदस्य आबा आडिवरेकर आदी उपस्थित होते.