35651

वाद्य वादन, नृत्य प्रकारांत
मुलांच्या कौशल्याची मोहोर

‘मदर क्वीन्स’चे परीक्षांमध्ये यश

सकाळ वृत्तसेवा
सावंतवाडी, ता. ६ : सिंधुदुर्ग जिल्हा शिक्षण प्रसारक मंडळ संचलित मदर क्वीन्स इंग्लिश स्कूल, सावंतवाडीच्या विद्यार्थ्यांनी अखिल भारतीय गांधर्व महाविद्यालय, मुंबई मार्फत आयोजित विविध परीक्षांमध्ये उल्लेखनीय कामगिरी केली. वाद्य वादन आणि नृत्य अशा दोन्ही कलाप्रकारांत आपल्या कौशल्याची मोहोर उमटवत मोठे यश प्राप्त केले.
​तबला या वाद्य प्रकारात स्मीत सावंत याने विशेष योग्यता प्राप्त केली. अद्वैत मुंगी व तनीष गावडे यांनी प्रथम श्रेणी आणि रुद्र सावंत याने द्वितीय श्रेणी मिळवली. पखावज या वाद्य प्रकारात विस्मय तेली याने प्रथम श्रेणी प्राप्त केली. हार्मोनियम वादन परीक्षेत सुभाष गवस याने प्रथम श्रेणी प्राप्त केली. नृत्यामध्ये भरतनाट्यम परीक्षेत प्रचिती गिरप, श्रेया मोर्ये व काव्या मांजरेकर यांनी प्रथम श्रेणी मिळवली. कथ्थक नृत्य परीक्षेत दृष्टी मुंड्ये हीने विशेष योग्यता प्राप्त केली, तर आरोही भाग्यवंत, स्वरा धुरी, लावण्या केसरकर व वैष्णवी बोडके यांनी प्रथम श्रेणी प्राप्त केली. आहिशा कांडारकर हीने द्वितीय श्रेणी मिळवली.
​या सर्व यशस्वी विद्यार्थ्यांचे सिंधुदुर्ग जिल्हा शिक्षण प्रसारक मंडळाचे अध्यक्ष श्रीमंत राजेसाहेब खेमसावंत भोंसले, चेअरमन श्रीमंत राणीसाहेब शुभदादेवी खेमसावंत भोंसले, कार्यकारी विश्वस्त श्रीमंत लखमराजे भोंसले, विश्वस्त युवराज्ञी श्रद्धाराजे भोंसले यांनी अभिनंदन केले. मंडळाचे संचालक दिलीप देसाई, सहाय्यक संचालक ॲड. शामराव सावंत, सदस्य जयप्रकाश सावंत, डॉ. सतीश सावंत, मुख्याध्यापिका अनुजा साळगांवकर आदींनी विद्यार्थ्यांच्या यशाचे कौतुक करून शुभेच्छा दिल्या.