-rat७p१७.jpg-
P26O35947
देवरूख : दीपक लिंगायत यांच्या पुस्तकाचे प्रकाशन करताना प्रा. सुरेश जोशी, प्रकाश पाटील, डॉ. महावीर मिठारी आदी.
--------
‘स्पर्श प्रेमाचा प्रवास’चे प्रकाशन
सकाळ वृत्तसेवा
साखरपा, ता. ७ ः देवरूख येथील निवृत्त मुख्याध्यापक दीपक लिंगायत यांच्या ‘स्पर्श प्रेमाचा प्रवास ः पालकत्वाचा’ या पुस्तकाचे प्रकाशन देवरूख येथील डॉ. बाबासाहेब आंबेडकर हॉल येथे प्रसिद्ध समीक्षक प्रा. सुरेश जोशी यांच्या हस्ते झाले.
लेखक दीपक लिंगायत यांनी आपल्या तीस वर्षांच्या शिक्षक व मुख्याध्यापक पदाच्या अनुभवातून हे पुस्तक कसे साकारले, याचा प्रवास उलगडला. पालकत्वाची जबाबदारी ही मुलांच्या जडणघडणीतील सर्वात महत्त्वाचा प्रवास आहे, असे सांगत त्यांनी पुस्तकाचा मुख्य उद्देश स्पष्ट केला. कार्यक्रमात उपस्थितांना ‘वाचते व्हा’ असा संदेश देणारा एक नावीन्यपूर्ण उपक्रम राबवण्यात आला. कार्यक्रमाला मेजर प्रकाश पाटील (जयसिंगपूर), डॉ. महावीर मिठारी (कोल्हापूर) आणि प्रा. क्रांती सरवनकर (मुंबई) उपस्थित होते.