कणकवलीत मंगळवारी
डॉ. आंबेडकर जयंती
कणकवली, ता. ११ : भारतीय लोकशाहीला दिशा देणारे भारतरत्न डॉ. बाबासाहेब आंबेडकर यांच्या जयंतीनिमित्त (ता. मंगळवारी (ता. १४) येथील गोपुरी आश्रम (वाडे) येथे विशेष कार्यक्रमाचे आयोजन केले आहे. राष्ट्र सेवा दल, सिंधुदुर्ग यांच्यावतीने हा कार्यक्रम सकाळी १० ते दुपारी १ या वेळेत होईल.
डॉ. बाबासाहेब आंबेडकर यांनी समता, बंधुता आणि न्याय या मूल्यांवर आधारित समाजव्यवस्था उभी करण्यासाठी आपले आयुष्य वेचले. त्यांच्या याच विचारांची प्रेरणा घेऊन समाजात वैज्ञानिक दृष्टिकोन, संविधाननिष्ठा आणि सामाजिक बांधिलकीची जाणीव निर्माण करणे, हा या कार्यक्रमाचा मुख्य उद्देश आहे. यासाठी जिल्ह्यातील आंबेडकरवादी, समाजवादी, संविधानवादी आणि लोकशाहीवादी विचारांच्या सर्व नागरिकांनी मोठ्या संख्येने उपस्थित राहावे, असे आवाहन राष्ट्र सेवा दल सिंधुदुर्गचे अध्यक्ष ॲड. प्रवीण नाईक, सचिव डॉ. सुभाष सावंत, गोपुरी आश्रमाचे अध्यक्ष डॉ. राजेंद्र मुंबरकर, व्यवस्थापक विनायक मेस्त्री आदींनी केले आहे.