37039

सावंतवाडी नॅब रुग्णालयात
मोफत तपासणी, शस्त्रक्रिया

सावंतवाडी, ता. १३ : येथील भटवाडी स्थित नॅब नेत्र रुग्णालयाने चौथ्या वर्षात पदार्पण केले असून, या निमित्ताने सिंधुदुर्ग जिल्ह्यातील रुग्णांसाठी ३० मेपर्यंत डोळ्यांची विनामूल्य तपासणी आणि मोफत शस्त्रक्रियांचे आयोजन करण्यात आले आहे. सामाजिक बांधिलकीच्या उद्देशाने राबवण्यात येत असलेल्या या उपक्रमाचा लाभ सर्व गरजू रुग्णांनी घेण्याचे आवाहन रुग्णालय व्यवस्थापनाने केले आहे.
​रुग्णालयाच्या चौथ्या वर्धापनदिनानिमित्त ९ एप्रिल रोजी श्री सत्यनारायण महापूजेचे आयोजन करण्यात आले होते. यावेळी सायंकाळी ४:३० ते ७:३० या वेळेत तीर्थप्रसादाचा कार्यक्रम पार पडला. ​या विशेष मोहिमेअंतर्गत रुग्णांना केवळ मोफत तपासणी आणि शस्त्रक्रियाच नव्हे, तर अत्यंत अल्पदरात चष्मे सुद्धा उपलब्ध करून दिले जाणार आहेत. हे शिबिर ३० मेपर्यंत दररोज सकाळी १० ते सायंकाळी ६ या वेळेत सुरू राहील. जास्तीत जास्त नागरिकांनी या सुवर्णसंधीचा लाभ घ्यावा, असे नॅब नेत्र रुग्णालयामार्फत कळवले आहे.