आठल्ये महाविद्यालयात
डॉ.आंबेडकर जयंती
​देवरूख : आठल्ये-सप्रे-पित्रे महाविद्यालयात राष्ट्रीय सेवा योजना विभागामार्फत भारतरत्न डॉ. बाबासाहेब आंबेडकर यांची १३५वी जयंती उत्साहात साजरी करण्यात आली. कार्यक्रमाच्या प्रारंभी प्राचार्य डॉ. नरेंद्र तेंडोलकर यांच्या हस्ते डॉ. बाबासाहेब आंबेडकर यांच्या प्रतिमेस पुष्पहार अर्पण करून अभिवादन करण्यात आले. त्यानंतर सिद्धी गेल्ये, सायली मोहिते, विनिता कदम व मयूरी जाधव या विद्यार्थिनींनी पाली भाषेतील गीत सादर केले. प्रा. डॉ. अमित वराळे यांनी आपल्या आजोबांच्या आठवणींच्या माध्यमातून डॉ. आंबेडकरांच्या जीवनातील पैलू उलगडले. या जयंतीनिमित्त विद्यार्थ्यांसाठी निबंध स्पर्धेचे तसेच, ग्रंथालय विभागामार्फत ‘सलग १२ तास वाचन’ उपक्रम आणि ग्रंथ प्रदर्शनाचे आयोजन करण्यात आले होते.