पिंगुळी शेटकरवाडी येथे
उद्यापासून विविध कार्यक्रम
सकाळ वृत्तसेवा
कुडाळ, ता. १७ : पिंगुळी शेटकरवाडी ग्रामस्थ कला व सांस्कृतिक मंडळ आणि ग्रामस्थांतर्फे शेटकरवाडीचे स्थानदैवत श्री देव महापुरुषाचा वार्षिक उत्सव यंदा तीन दिवस १९  ते २१ एप्रिल रोजी विविध धार्मिक व सांस्कृतिक कार्यक्रमाने साजरा होणार आहे.
१९ एप्रिलला सायंकाळी ७.३० वाजता, उद्घाटन समारंभ तसेच शेटकरवाडीतील विविध क्षेत्रातील मान्यवर व जेष्ठांचा सत्कार सोहळा, वाडीतील महिला व मुलींचे समुहनृत्य, व छोट्या मुला-मुलींची वेशभूषा सादरीकरण, २० रोजी सकाळी ८.३० वाजता, श्री देव गणेश पूजन रात्री ८ वाजता नटेश्वर नाट्‌यमंडळ शेटकरवाडी प्रस्तुत धमाल विनोदी मालवणी नाट्य कलाकृती सोरगत लेखिका : उषा परब दिग्दर्शक : अशोक सर्वेकर व अर्जुन राणे
कलाकार : शेटकरवाडीतील नव्या दमाचे शिलेदार,नेपथ्य, रंमभूषा, संगीत : आमचे आम्हीच, २१ रोजी सकाळी ८.३० वाजता श्री देव गणेश पूजन श्री देव महापुरुष पूजन, श्री देव सत्यनारायण महापूजा महाआरती आणि महानैवेद्य महाप्रसाद सायंकाळी हळदी-कुंकू समारंभ हरिपाठ (सादरकर्ते जीवन विद्यामिशन, पिंगुळी-कुडाळ) ग्रामस्थांची सुस्वर भजने रात्री ८ वाजता लकी ड्रॉ लॉटरीची सोडत. ९ वाजता श्री सिद्धेश्वर दशावतार नाट्‌यमंडळ दोडामार्ग प्रस्तुत महान पौराणिक दशावतार नाट्यप्रयोग ‘सत्वशील राजा हरिश्चंद्र- तारामती’ या एकाच नाटकात २० भूमिका अभिनय, संगीत, विनोदाची मेजवानी असणारा दणदणीत नाट्यप्रयोग होणार आहे. भाविकांनी मोठ्या संख्येने उपस्थित राहून कार्यक्रमांचा लाभ घ्यावा, असे आवाहन ग्रामस्थांनी केले आहे.