38176
अणाव येथे आढळले
दुर्मीळ खवले मांजर
सकाळ वृत्तसेवा
कुडाळ, ता. १८ ः तालुक्यातील अणाव-बामणवाडी येथील अजित अणावकर यांच्या घराशेजारी शुक्रवारी (ता. १७) रात्री सुमारे साडेदहा वाजण्याच्या सुमारास दुर्मीळ खवले मांजर आढळून आले. वनविभागाला याची माहिती दिल्यानंतर वैद्यकीय तपासणी करून त्याला नैसर्गिक अधिवासात सोडण्यात आले.
घराशेजारी खवले मांजर असल्याची माहिती अणावकर यांनी कसाल वनपाल यांना दिली. कडावल वन क्षेत्रपाल यांच्या मार्गदर्शनाखाली वनविभागातील कर्मचारी प्रकाश शिंदे, प्रियांका पाटील, वनरक्षक (कसाल) उत्तम कांबळे, पंकज घाडी, उदय परब, प्रशांत जाधव, प्रवीण पवार, बाबुराव कांबळे, शिपाई सुनील आंगणे हे अणाव येथे दाखल झाले. त्यांना अजित अणावकर यांच्यासह ग्रामस्थ राजन जडये, विपुल हडकर, पार्थ अणावकर यांनी खवले मांजर पकडण्यासाठी मदत केली. वैद्यकीय तपासणीनंतर खवले मांजरास कडावल परिक्षेत्र अधिकारी यांच्या मार्गदर्शनाखाली नैसर्गिक अधिवासात सोडून देण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.