rat21p7.jpg-
38669
गुहागर ः खोडदे-देऊळवाडी येथे दिसलेला ब्लॅक पॅंथर.
-------------------
खोडदे येथे ब्लॅक पॅंथरचे दर्शन
गुहागर, ता. २१ ः तालुक्यातील खोडदे देऊळवाडी- खापलेवाडी -डिंगणकरवाडी रस्त्यावरील कातळाजवळ रविवारी (ता. १९) रात्री आठच्या सुमारास ब्लॅक पॅंथरचे दर्शन झाले. वनखात्याने पॅंथरचा त्वरित बंदोबस्त करावा, अशी मागणी ग्रामस्थांकडून होत आहे, अशी माहिती सर्वेश साळवी व भूषण पवार यांनी दिली.
सहा महिन्यापूर्वी खोडदे येथील शेतकरी रमाकांत साळवी यांच्या वाड्याचा दरवाजा तोडून बिबट्याने वासराला मारले होते. त्यानंतरही बिबट्याचा वावर या भागात सुरू आहे. आता रात्री ब्लॅक पॅंथरही दिसल्याने परिसरात भितीचे वातावरण आहे. पॅंथरबद्दलची माहिती सर्वेश साळवी यांनी वनविभागाला दिली आहे तसेच ब्लॅक पॅंथरचे चित्रीकरण भूषण पवार यांनी केले.