जोगेश्वरी पूर्व येथील ठाकरे ट्रॉमा केअर रुग्णालयात कंत्राटी कामगारांनी विविध मागण्यांसाठी बेमुदत संप पुकारला असून, पाचव्या दिवशीही आंदोलन सुरूच आहे. 130 हून अधिक कामगार रुग्णालय परिसरात ठिय्या देऊन बसले आहेत.
कामगारांचे तीन महिन्यांचे वेतन थकीत असून, तब्बल 27 महिन्यांचा भविष्यनिर्वाह निधी (PF) प्रलंबित असल्याचा आरोप करण्यात आला आहे. यामुळे कामगारांमध्ये तीव्र नाराजी पसरली आहे. या आंदोलनात महिला कामगारांचाही मोठा सहभाग दिसून येत आहे.
