rat६p१९.jpg-
P26O41842
दिल्लीः माजी राष्ट्रपती रामनाथ कोविंद यांना पुष्पगुच्छ देताना राज्याचे उद्योगमंत्री उदय सामंत.

उद्योगमंत्री उदय सामंतांनी घेतली
माजी राष्ट्रपती कोविंद यांची भेट
सकाळ वृत्तसेवा
रत्नागिरी, ता. ६ : उद्योग व मराठी भाषामंत्री उदय सामंत यांनी भारताचे माजी राष्ट्रपती रामनाथ कोविंद यांची सदिच्छा भेट घेतली. या वेळी राज्यातील विकासकामांसह विविध सामाजिक आणि राजकीय विषयांवर चर्चा झाली. ही भेट राज्यातील आगामी वाटचालीसाठी अत्यंत उपयुक्त ठरेल, असे मंत्री सामंत यांनी सांगितले.
दिल्ली येथील भेटीप्रसंगी राज्याचे शालेय शिक्षणमंत्री दादाजी भुसे, आमदार सुहास कांदे उपस्थित होते. माजी राष्ट्रपतींच्या निवासस्थानी झालेल्या या भेटीत खेळीमेळीच्या वातावरणात चर्चा झाली. रामनाथ कोविंद यांनी आपल्या कार्यकाळात देशाच्या सर्वोच्च पदावर राहून केलेल्या कामाचा आणि त्यांच्या सार्वजनिक जीवनातील अनुभवाचा लाभ महाराष्ट्रातील लोकप्रतिनिधींना मिळावा, हा भेटीचा मुख्य उद्देश होता. या भेटीनंतर मंत्री सामंत म्हणाले, माजी राष्ट्रपती कोविंद यांची भेट हा माझ्यासाठी एक अत्यंत ऊर्जादायी अनुभव होता. त्यांच्या अनुभवातून मिळालेली ऊर्जा आम्हाला जनसेवेच्या कार्यात सदैव प्रेरणा देणारी ठरेल. कोविंद यांनी व्यक्त केलेले विचार आणि दिलेले सल्ले हे राज्यातील उद्योगक्षेत्राच्या प्रगतीसाठी आणि मराठी भाषेच्या संवर्धनासाठी दिशादर्शक ठरतील, असा विश्वासही त्यांनी व्यक्त केला.