पागेरेवाडीत १२ पासून
विविध धार्मिक कार्यक्रम
सकाळ वृत्तसेवा
म्हापण, ता. ७ ः प्रतिवर्षाप्रमाणे पागेरेवाडी श्री देव ब्राह्मण मंदिराचा १३ वा वर्धापन दिन सोहळा १२ ते १४ मे या कालावधीत साजरा होणार आहे. यानिमित्त विविध धार्मिक व सांस्कृतिक कार्यक्रमांचे आयोजन केले आहे.
मंगळवारी (ता. १२) सायंकाळी ४ वाजता रामकृष्ण भजन मंडळ, नामदेव महाराज (सिंधुदुर्ग) यांचे भजन, ७ वाजता खुली जिल्हास्तरीय रेकॉर्ड डान्स स्पर्धा होईल. विजेत्यांना अनुक्रमे ५ हजार, ३ हजार, २ हजार तसेच प्रत्येकी १ हजारची दोन उत्तेजनार्थ पारितोषिके व चषक देण्यात येतील. (संपर्क-प्रथमेश परब, ओंकार परब, रवींद्र परब). बुधवारी (ता. १३) सकाळी ९ वाजता होम-हवन, अभिषेक, लघुरुद्र आणि नारळ बदलणे, ११ वाजता महाआरती व गऱ्हाणे, दुपारी १ वाजता महाप्रसाद, सायंकाळी ४ वाजता श्री देव भैरव जोगेश्वरी फुगडी मंडळ, कुडाळ यांचा फुगडीचा कार्यक्रम, हळदीकुंकू समारंभ, ७ वाजता दीपोत्सव, रात्री ८.३० वाजता सातेरी महिला दशावतार, पावशी यांचा नाट्यप्रयोग, गुरुवारी (ता. १४) सकाळी ९ वाजता श्री सत्यनारायण महापूजा व तीर्थप्रसाद, दुपारी १ वाजता महाप्रसाद कार्यक्रम, २ वाजता हळदीकुंकू, ३ वाजता वाडीतील ग्रामस्थांचे भजन, सायंकाळी ४ वाजता डॉ. महादेव परब (कुडाळ) यांचे कीर्तन, ७ वाजता दीपोत्सव, रात्री ८ वाजता सत्कार समारंभ, ८.३० वाजता नितीन आसयेकर संचलित भूमिका दशावतार नाट्यमंडळ, मळगाव यांचा नाट्यप्रयोग होणार आहे. श्री देव ब्राह्मण कला, क्रीडा मंडळ (पागेरेवाडी) आणि श्री देव ब्राह्मण कला वैभव मंडळ (मुंबई) यांच्यावतीने या सोहळ्याचे आयोजन केले आहे.