आमदार निकम चषक
स्पर्धेनिमित्त सोडत
चिपळूण : शेखर निकम प्रतिष्ठान आयोजित आमदार चषक स्पर्धेनिमित्त उद्योजक सचिन पाकळे यांनी ३०० कूपन खरेदी करून लकी ड्रॉमध्ये सहभाग घेतला होता. या सोडतीत त्यांच्या कंपनीच्या नावावर मोटारसायकल लागली; मात्र, ही मोटारसायकल स्वतःकडे न ठेवता कामगारांना देण्याचा निर्णय घेतला. आमदार शेखर निकम यांच्या हस्ते ही सोडत काढण्यात आली. कामगारांमधून काढलेल्या या विशेष लकी ड्रॉमध्ये एका भाग्यवान कामगाराला मोटारसायकल प्रदान करण्यात आली. याशिवाय मिक्सर, कूकर, हॉटपॉट, स्टील डबे, पाण्याच्या टाक्या, टॉर्च, इस्त्री, ब्लूटूथ स्पीकर, गॅस शेगडी, सीलिंग पंखा आदी वस्तूंचेही वाटप करण्यात आले. कार्यक्रमाला उद्योगपती सचिन पाकळे, पुनम पाकळे, अशोक काजरोळकर, देवराज गरगरटे, सतीश सावर्डेकर, राजेश सुर्वे, विकास भंडारी आदी उपस्थित होते.