42633

कुडाळ हायस्कूलच्या गुणवंतांचे कौतुक
कुडाळ, ता. १० ः कराची महाराष्ट्रीय शिक्षण प्रसारक मंडळाच्या कुडाळ हायस्कूलच्या विद्यार्थ्यांनी यशाची परंपरा कायम राखत दहावी बोर्ड परीक्षेत उत्तम यश प्राप्त केले. शाळेचा एकूण निकाल ९८.५५ टक्के एवढा लागला. सुधांशू धुरी याने ९९.६० गुण प्राप्त करीत शाळेत प्रथम तर जिल्ह्यात तृतीय क्रमांक पटकावला. संस्कृत विषयात सात विद्यार्थ्यांनी पूर्ण गुण प्राप्त केले. यशस्वी विद्यार्थ्यांचे संस्थेचे उपकार्याध्यक्ष अरविंद शिरसाट, उपाध्यक्ष का. आ. सामंत, सरकार्यवाह अनंत वैद्य, सहकार्यवाह महेंद्र गवस, सीईओ सुरेश चव्हाण, प्रशालेचे मुख्याध्यापक विपिन वराडे, पर्यवेक्षक रंजन तेली, ज्युनियर कॉलेजचे उपमुख्याध्यापक नारायण साळवी आदींनी अभिनंदन केले.