* प्रक्रिया उद्योगांचा कालावधी घटणार
दरवर्षी आंबा प्रक्रिया उद्योग साधारणपणे ४५ ते ६० दिवस पूर्ण क्षमतेने चालतो. मात्र, उत्पादन कमी असल्यामुळे यंदा अनेक उद्योग सुरू राहण्याचा कालावधी कमी होणार आहे. साधारणपणे सव्वा महिना चालणारा हा उद्योग दहा ते पंधरा दिवसांनी कमी होईल. तसेच कॅनिंगसाठीच्या आंब्याचे दर वधारणार असून त्याचा परिणाम पल्पच्या किमतीवर होऊ शकतो. उत्पादन कमी असल्याने पल्पचा साठा कमी होणार आहे. आंबा हंगामात प्रक्रिया उद्योगात हजारो लोकांना रोजगार मिळतो. विशेषतः ग्रामीण भागातील महिला मोठ्या संख्येने या उद्योगात काम करतात. त्यांच्या रोजगारावर परिणाम होऊ शकतो.

* बागायतदारांना मदत तुटपुंजी
यंदा हापूसचे उत्पादन १० ते १५ टक्केच हाती आले आहे. याची शासनाने दखल घेऊन आंबा बागायतदारांना हेक्टरी २२ हजार रुपये मदत देण्याचे निश्चित केले आहे. परंतु ही मदत तुटपुंजी असल्याने त्यात आणखी वाढ केली जावी, अशी बागायतदारांची मागणी आहे.