साक्षी रावणंग यांना ‘अहिल्याबाई होळकर’ पुरस्कार
चिपळूण : महिला व बालविकास क्षेत्रात आपल्या कार्यकाळात केलेल्या उत्कृष्ट, मोलाच्या व प्रेरणादायी योगदानाबद्दल साक्षी संतोष गावणंग यांना महाराष्ट्र शासनामार्फत जिल्हास्तरीय पुण्यश्लोक अहिल्यादेवी होळकर पुरस्कार प्रदान करून गौरविण्यात आले. गावणंग या समाजसेविका आहेत. त्यांनी आगवे, सावर्डे परिसरात बचत गटाच्या माध्यमातून महिला सक्षमीकरणाचे काम केले आहे. मुलींच्या शिक्षणासाठी त्यांना प्रोत्साहन देणे, महिलांमध्ये आरोग्य बाबत जनजागृती करणे, महिलांसाठी आरोग्य शिबिर घेणे, प्रक्रिया उद्योग आणि विविध प्रशिक्षणाची माहिती महिलांना देणे अशा सामाजिक कामात त्यांनी नेहमीच पुढाकार घेतला. त्यांनी केलेल्या महिला सबलीकरण, बालसंरक्षण, सामाजिक न्याय व विकासात्मक उपक्रमांच्या प्रभावी अंमलबजावणीसाठी केलेल्या कार्याची दखल घेऊन त्यांना पालकमंत्री उदय सामंत यांच्या हस्ते या पुरस्काराने सन्मानित करण्यात आले.