Rat४p१४.jpg ः
26O55182
मंडणगड: जिजाऊ संस्थेच्यावतीने आयोजित मोफत शिलाई प्रशिक्षण कार्यक्रमात उपस्थित महिलांशी संवाद साधताना दिनेश सापटे, चारूलता पारेख व मान्यवर.
----
मंडणगडात मोफत शिलाई प्रशिक्षण
जिजाऊ संस्थेचा उपक्रम; स्वयंरोजगाराला चालना
सकाळ वृत्तसेवा
मंडणगड, ता. ५ ः महिलांना कौशल्याधारित प्रशिक्षण देऊन स्वावलंबी बनवण्याच्या उद्देशाने जिजाऊ शैक्षणिक व सामाजिक संस्थेच्या मंडणगड शाखेतर्फे मोफत शिलाई प्रशिक्षण कार्यक्रमास मंडणगड येथे प्रारंभ झाला.
या प्रशिक्षणाद्वारे महिलांना शिलाईचे मूलभूत ज्ञान, विविध प्रकारच्या शिवणकामाचे प्रात्यक्षिक प्रशिक्षण तसेच स्वयंरोजगारासाठी आवश्यक कौशल्ये दिली जाणार आहेत. ग्रामीण भागातील तसेच गरजू महिलांना रोजगाराच्या नव्या संधी उपलब्ध करून देण्याच्या उद्देशाने हा उपक्रम राबवण्यात येत असल्याचे संस्थेच्या पदाधिकाऱ्यांनी सांगितले. अधिकाधिक महिलांनी या मोफत प्रशिक्षणाचा लाभ घ्यावा, असे आवाहन करण्यात आले. या उद्‍घाटनप्रसंगी संस्थेचे दिनेश सापटे, चारुलता पारेख, माजी नगराध्यक्षा श्रुती साळवी, माजी नगरसेवक राजेश मर्चंडे, नीलेश गोवळे, प्रशिक्षिका रोशनी मर्चंडे, नीलेश रक्ते, अनंत घाणेकर, अशोक बैकर आदी उपस्थित होते.