गुरुकुलची गाणी आज आकाशवाणीवर
संगमेश्वर ः चिपळूण येथील युनायटेड इंग्लिश स्कूलचा स्वतंत्र विभाग असलेल्या पंचकोश आधारित गुरुकुल विभागात नित्यनेमाने वेगवेगळ्या उपक्रमांचे उत्साहात आयोजन केले जाते. विद्यार्थ्यांच्या अभ्यासाबरोबरच त्यांच्या सर्वांगीण व्यक्तिमत्त्व विकासासाठी नियोजनबद्ध उपक्रम घेतले जातात. याची दखल घेऊन ९ आणि १५ ऑगस्टच्या औचित्याने रत्नागिरी आकाशवाणी केंद्रावरून प्रक्षेपित होणाऱ्या बालजगत कार्यक्रमासाठी गुरुकुलातील मुलांनी गायलेली पाच सामूहिक गाणी ध्वनिमुद्रित झाली आहेत. रविवारी (ता. ९) सकाळी साडेनऊ वाजता रत्नागिरी आकाशवाणीच्या रेडिओकेंद्रावरून बालजगत या कार्यक्रमातून ही गाणी ऐकता येणार आहेत.

--------------