56156
प. पू. सद्गुरू नामदेव महाराज

संत नामदेव महाराजांचा
आंदुर्लेत आज जन्मोत्सव

म्हापण, ता. ९ ः प. पू. संत सद्गुरू श्री नामदेव महाराज यांचा ९८ वा जन्मोत्सव सोहळा उद्या (ता. १०) आंदुर्ले येथील ‘वटवृक्ष निवास’ येथे साजरा होणार आहे. यानिमित्त दिवसभर विविध धार्मिक आणि सांस्कृतिक कार्यक्रमांचे आयोजन करण्यात आले आहे.
सकाळी ८ वाजता पादुका पूजन, पंचामृत स्नान, अभिषेक, ११ वाजता प.पू. श्री नामदेव महाराज भजन मंडळ, सिंधुदुर्ग यांचे भजन, दुपारी १२.३० वाजता श्रींची आरती, नैवेद्य, तीर्थप्रसाद, १ वाजता महाप्रसाद, दुपारी २ वाजता भजन, ३ वाजता हरिपाठ (सादरकर्ते-विलास रेवंडकर आणि सहकारी), सायंकाळी ४ वाजता भजन, ७ वाजता श्रींची नित्य सांजआरती, ७.३० वाजता श्रींची पालखी प्रदक्षिणा, रात्री ८ वाजता सुश्राव्य वारकरी व संगीत भजने, पहाटे ४ वाजता काकड आरती (ब्राम्हण प्रासादिक भजन मंडळ, पागेरेवाडी-खवणे). ज्या भक्तांना अन्नदान सेवा करावयाची आहे, त्यांनी मनोहर राऊळ, डॉ. दीपक ठाकूर येथे संपर्क साधावा. सर्व भाविकांनी उपस्थित राहून कार्यक्रमांचा लाभ घ्यावा, असे आवाहन प.पू. संत सद्गुरू श्री नामदेव महाराज सेवक-भक्त मंडळ व आंदुर्ले ग्रामस्थांनी केले आहे.