56376

समरगीत गायन स्पर्धेत
पणदूर हायस्कूलचे यश

सकाळ वृत्तसेवा
कुडाळ, ता. १० ः हुतात्मा मेजर कौस्तुभ रावराणे यांच्या ८ व्या स्मृतीदिनानिमित्त आनंदीबाई रावराणे कला, वाणिज्य व विज्ञान महाविद्यालय, वैभववाडी येथे आयोजित जिल्हास्तरीय खुल्या समरगीत गायन स्पर्धेत वेताळ बांबर्डे विभाग शिक्षण प्रसारक मंडळ संचलित शिवाजी इंग्लिश स्कूल व दादासाहेब तिरोडकर कनिष्ठ महाविद्यालय पणदूर तिठा यांनी द्वितीय क्रमांक प्राप्त केला.
या उल्लेखनीय यशाबद्दल सर्व विद्यार्थी कलाकारांचे तसेच मार्गदर्शक संगीत शिक्षक महेश तळगांवकर यांचे संस्थाध्यक्ष आपासाहेब गावडे, सचिव नागेंद्र परब, उपाध्यक्ष प्रकाश जैतापकर, संचालक आनंद भोगले, सुबीकाका अणावकर, रवींद्र कांदळकर, मुख्याध्यापक एम. जी. कर्पे, पर्यवेक्षिका पी. पी. दाभोलकर व  ग्रंथपाल नरेश परब यांनी संस्था व प्रशालेच्या वतीने अभिनंदन केले. विद्यार्थ्यांनी मिळविलेला हा सन्मान शाळेसाठी अभिमानास्पद आहे, अशी भावना यावेळी व्यक्त करण्यात आली.