‘ऋतुरंग’ पुस्तकाला
राज्यस्तरीय पुरस्कार
संगमेश्वर, ता. १० ः पुणे येथील प्रसिद्ध चपराक प्रकाशनने कोकणातील लेखक जे. डी. पराडकर यांच्या प्रकाशित केलेल्या ऋतुरंग या पुस्तकाला सातारा येथील अश्वमेध ग्रंथालय आणि वाचनालयाचा (कै.) भास्करराव ग. माने स्मृतीप्रित्यर्थ ‘राज्यस्तरीय अक्षर गौरव साहित्य विशेष पुरस्कार’ प्राप्त झाला आहे. ऋतुरंग या पुस्तकाचे प्रकाशन दिल्ली येथे झाले होते. या पुस्तकाचे मुखपृष्ठ जलरंग चित्रकार विष्णू परीट यांनी साकारले आहे. हे पुस्तक संपूर्ण रंगीत पानांचे असून, यामध्ये कोकणातील फुलांची छायाचित्रे आणि माहिती समाविष्ट करण्यात आली आहे. पुरस्कार वितरण समारंभ २३ ऑगस्टला सातारा येथील सोमण सभागृह येथे सकाळी ११ वाजता होणार आहे.