देवरूखच्या चौघांची राज्यस्तरीय भरारी
सकाळ वृत्तसेवा
देवरूख, ता. १२ : देवरूख शिक्षण प्रसारक मंडळाच्या आठल्ये-सप्रे-पित्रे महाविद्यालयाच्या चार खेळाडूंनी जिल्हास्तरीय मैदानी स्पर्धेत दमदार कामगिरी केली आहे. त्यांची राज्यस्तरीय स्पर्धेसाठी निवड झाली आहे.
जिल्हास्तरीय स्पर्धेत सार्थक आडशे याने गोळाफेकमध्ये प्रथम तर उंच उडीत द्वितीय क्रमांक मिळवला. साईराज आंब्रे याने उंच उडीत प्रथम आणि गोळाफेकमध्ये द्वितीय क्रमांक पटकावला. चेतन खामकर याने ८०० मीटर धावण्याच्या स्पर्धेत प्रथम क्रमांक आणि व्यंकटेश इंदुलकर याने भालाफेकमध्ये प्रथम क्रमांक मिळवला आहे. त्यांची राज्यस्तरीय स्पर्धेसाठी निवड झाली आहे. रत्नागिरी जिल्हा हौशी ॲथलेटिक्स संघटनेतर्फे डेरवण येथील एसव्हीजेसीटी क्रीडा संकुलात जिल्हास्तरीय मैदानी स्पर्धेचे आयोजन करण्यात आले होते. या यशाबद्दल संस्थाध्यक्ष सदानंद भागवत, नेहा जोशी, कृष्णकुमार भोसले, शिरीष फाटक, सुजाता प्रभुदेसाई, प्राचार्य डॉ. नरेंद्र तेंडोलकर, उपप्राचार्य डॉ. सरदार पाटील, पर्यवेक्षक प्रा. एम. आर. लुंगसे तसेच शिक्षक व शिक्षकेतर कर्मचाऱ्यांनी यशस्वी खेळाडूंचे अभिनंदन केले आहे.