56820
श्रीमा प्रभुदेसाई, प्रज्योत कदम, अद्वैत भिडे, पूर्वा राणे

देवगड हायस्कूलचे ‘शिष्यवृत्ती’त यश
देवगड ः महाराष्ट्र राज्य परीक्षा परिषद, पुणे यांच्यामार्फत एप्रिलमध्ये घेण्यात आलेल्या सातवी माध्यमिक शिष्यवृत्ती परीक्षेत येथील शेठ म. ग. हायस्कूलच्या विद्यार्थ्यांनी यश संपादन केले. शहरी विभागात श्रीमा प्रभुदेसाई हिने ८२ टक्के गुण मिळवून तालुक्यात प्रथम क्रमांक तर जिल्ह्यात नववा क्रमांक पटकावला. प्रज्योत कदम याने (७४) तालुक्यात द्वितीय व जिल्ह्यात २५ वा, अद्वैत भिडे याने (७१.३३) तालुक्यात तृतीय व जिल्ह्यात ३० वा क्रमांक प्राप्त केला. ग्रामीण विभागात पूर्वा राणे हिने (८४.६६) तालुक्यात द्वितीय तर जिल्ह्यात तृतीय क्रमांक मिळवला. या यशाबद्दल मुख्याध्यापक प्रवीण खडपकर, पर्यवेक्षिका निशा दहिबावकर, संस्था पदाधिकारी यांनी यशस्वी विद्यार्थ्यांचे अभिनंदन केले.