56824

‘माजगाव मतदारसंघातील
शाळा दुरुस्तीला निधी द्या’

सावंत यांची शिक्षण विभागाकडे मागणी

सावंतवाडी, ता. १२ ः माजगाव जिल्हा परिषद मतदारसंघातील शाळा दुरुस्तीच्या कामांना प्राधान्याने मंजुरी देऊन जिल्हा परिषद स्वनिधीतून निधी उपलब्ध करून द्यावा, अशी मागणी जिल्हा परिषद सदस्य विक्रांत सावंत यांनी शिक्षण व आरोग्य सभापती प्रीतेश राऊळ यांच्याजवळ केली आहे.
यात माजगाव हरसावंतवाडा जिल्हा परिषद शाळा क्र. ३ छप्पर दुरुस्ती, खिडक्या दरवाजे दुरुस्त करणे, माजगाव नाईकवाडा महापुरुष वि‌द्यामंदिर ०४ लाईट फिटिंग दरवाजे व खिडक्या दुरुस्ती, जिल्हा परिषद शाळा चराठे वझरवाडी शौचालय बांधकाम व दुरुस्ती, ओटवणे जिल्हा परिषद शाळा क्र. ३ गवळीवाडी इमारत दुरुस्ती, माजगाव आरोग्यवर्धिनी केंद्र स्नानगृह, शौचालय दरवाजा, खिडक्या दुरुस्ती, ओटवणे जिल्हा परिषद शाळा क्र. ४ दुरुस्त करण्यासह सोनुर्ली जिल्हा परिषद शाळा क्र. २ दुरुस्ती, सरमळे देऊळवाडी क्र. १ शाळा दुरुस्ती, माजगाव जिल्हा परिषद शाळा क्र. २ इमारतीचा स्लॅब दुरुस्तीसह, ओटवणे मांडवफातरवाडी शाळा क्र. २ छप्पर दुरुस्ती करण्याबाबत लक्ष वेधले आहे.