57252

पाळणेकोंड धरण तुडुंब,
नगराध्यक्षांकडून जलपूजन
सावंतवाडी : ​​मुसळधार पावसामुळे नगरपालिकेचे कुणकेरी येथील पाळणेकोंड धरण तुडूंब भरुन वाहू लागले आहेत. या पाळणे कोंड धरणाला आज नगरध्यक्षा श्रद्धा सावंत-भोंसले यांनी सदिच्छा भेट देऊन पाहणी केली. धरणातील वाढत्या जलसाठ्याचे स्वागत करत आणि भविष्यात परिसराला समृद्धी लाभावी, या प्रेरणेने नगरध्यक्षांच्या हस्ते जलपूजन करून धरणात नारळ अर्पण केला. पावसाचा जोर वाढल्यामुळे पाळणे कोंड धरणाची पाणीपातळी लक्षणीयरीत्या वाढली आहे. सावंतवाडीतील नागरिकांना भेडसावणारी पाण्याची टंचाई दूर होण्यास यामुळे मोठी मदत होणार आहे. या पार्श्वभूमीवर नगरध्यक्षांनी अधिकाऱ्यांसह धरणाची प्रत्यक्ष पाहणी केली आणि पाण्याच्या सद्यस्थितीचा आढावा घेतला. यावेळी नियोजन सभापती आनंद नेवगी, आरोग्य सभापती सुधीर अडीवरेकर, पाणी पुरवठा सभापती प्रतीक बांदेकर, पर्यटन सभापती मोहिनी मडगावकर, सुकन्या टोपले, सिद्धार्थ भांबुरे, अधिकारी प्राजक्ता कांबळे आदी उपस्थित होते.