57605

टपाल विभागातर्फे तळेरेत पदयात्रा
तळेरे ः देवगड उपविभागाच्या वतीने येथे ८० वा स्वातंत्र्य दिन उत्साहात साजरा करण्यात आला. यंदा ‘वंदे मातरम्’च्या १५० वर्षांच्या स्मरणोत्सवामुळे कार्यक्रमाला विशेष महत्त्व प्राप्त झाले. ‘वंदे मातरम्’, ‘जन गण मन’ या राष्ट्रगीतांसह महाराष्ट्र गीतानेही देशभक्तीमय वातावरण निर्माण झाले. टपाल विभागातील अधिकारी व कर्मचाऱ्यांनी येथील बाजारपेठ व बसस्थानक परिसरातून देशभक्तीपर पदयात्रा काढली. देशभक्तीपर घोषणांनी परिसर दुमदुमून गेला. यावेळी देवगड उपविभागाचे टपाल सहाय्यक रोहन सावंत, तळेरे उपडाकघरचे पोस्टमास्तर नलावडे तसेच तळेरे व खारेपाटण उपडाकघरांतर्गत शाखा डाकघरांतील अधिकारी व कर्मचारी उपस्थित होते.