मराठी विज्ञान परिषदेतर्फे निबंध स्पर्धा
सकाळ वृत्तसेवा
रत्नागिरी, ता. १७ : विज्ञान लेखनाला प्रोत्साहन, विज्ञान व्यक्त करण्यासाठी, मराठी भाषा समृद्ध करण्याच्या उद्देशाने मराठी विज्ञान परिषदेतफे राज्यस्तरीय विज्ञान निबंध स्पर्धा आयोजित करण्यात आली आहे. विद्यार्थी गटासाठी (इ. १२ वी पर्यंत) ‘घरातील रसायनशास्त्र’ आणि खुल्या गटाकरिता ‘युद्धाचे हवामानावर परिणाम’ हे विषय ठेवण्यात आले आहेत. स्पर्धेसाठी निबंध ३१ ऑगस्ट शेवटची तारीख आहे. ही स्पर्धा विनाशुल्क असून विभागीय स्तरावरील विजेत्यांना पारितोषिके देण्यात येणार आहेत. ए-४ आकाराच्या कागदावर केवळ मराठी भाषेत हाती लिहिलेला अथवा टाइप केलेला असावा. निबंधाची शब्दमर्यादा १५०० ते २००० शब्द असून मुंबई, ठाणे, पालघर, रायगड, सिंधुदुर्ग व रत्नागिरी या जिल्ह्यातील स्पर्धकांनी आपले निबंध डॉ. उमेश संकपाळ, कार्यवाह, मराठी विज्ञान परिषद, रत्नागिरी विभाग; द्वारा रसायनशास्त्र विभाग किंवा डॉ. विराज चाबके, कोषाध्यक्ष, मराठी विज्ञान परिषद, रत्नागिरी विभाग; द्वारा वनस्पतिशास्त्र विभाग, गोगटे जोगळेकर महाविद्यालय (स्वायत्त) रत्नागिरी- ४१५६१२ या पत्त्यावर पाठवावेत.