लोटे औद्योगिक वसाहतीची
आज आदित्य ठाकरेंकडून पाहणी
सकाळ वृत्तसेवा
चिपळूण, ता. २५ : शिवसेना (उद्धव बाळासाहेब ठाकरे) पक्षाचे नेते तथा युवा सेनाप्रमुख आमदार आदित्य ठाकरे बुधवारी (ता. २६) रत्नागिरी जिल्ह्याच्या दौऱ्यावर येत आहेत. या दौऱ्यात ते लोटे औद्योगिक वसाहतीची पाहणी करणार आहेत. त्यानंतर उद्योगभवन येथे लोटे परिसरातील उद्योजकांशी संवाद साधून त्यांच्या अडचणी, प्रलंबित प्रश्न आणि विविध मागण्या जाणून घेणार आहेत.
आदित्य ठाकरे सायंकाळी ४.३० वाजता लोटे औद्योगिक वसाहतीला भेट देणार आहेत. या वेळी औद्योगिक वसाहतीतील सद्यःस्थितीची पाहणी केल्यानंतर ते उद्योगभवन येथे उद्योजकांशी चर्चा करणार आहेत. औद्योगिक क्षेत्रासमोरील विविध समस्या तसेच उद्योजकांच्या प्रलंबित मागण्यांबाबत या संवादात चर्चा होण्याची शक्यता आहे. लोटे औद्योगिक वसाहतीतील उद्योजकांच्या अडचणी समजून घेण्यासाठी हा दौरा महत्त्वाचा मानला जात आहे. औद्योगिक क्षेत्रातील पायाभूत सुविधा, विविध स्थानिक प्रश्न आणि उद्योगांसमोरील अडचणी याबाबत उद्योजकांकडून आदित्य ठाकरे यांच्यासमोर मांडणी केली जाणार आहे.