नाअत गायनात खदिजा स्कूल प्रथम

प्रश्नमंजुषेत २५ शाळांचा उत्स्फूर्त सहभाग

सकाळ वृत्तसेवा
चिपळूण, ता. ३ : कोकण सिरत कमिटी, चिपळूणतर्फे जिल्हास्तरीय ‘नाअत गायन स्पर्धेत’ गोवळकोटच्या खदिजा इंग्लिश मीडियम स्कूलने प्रथम क्रमांक पटकावला.
स्कूलच्या हाजी मोहम्मद शमसुद्दीन असेंब्ली हॉलमध्ये नाअत गायन स्पर्धा आणि तालुकास्तरीय इस्लामियात प्रश्नमंजुषा स्पर्धा उत्साहात झाली. जिल्ह्यातील २५ शाळांमधील विद्यार्थ्यांनी उत्स्फूर्त सहभाग घेतला होता. स्पर्धेच्या उद्‍घाटनावेळी मौलाना वासिफ काजमी, इक्रा स्कूलचे संचालक मौलाना इलियास बगदादी, सलामा टुर्सचे हाफिज सलीम परकार, मकबूल साबळे, फैयाज सुर्वे उपस्थित होते. नाअत गायन स्पर्धेत गोवळकोट येथील खदिजा इंग्लिश मीडियम स्कूल प्रथम, पोफळी येथील अल अमीन हायस्कूल द्वितीय तर अली पब्लिक स्कूलचा तृतीय क्रमांकाने सन्मानित केले गेले. जिल्हा परिषद पूर्ण प्राथमिक शाळा, पोफळी उर्दू आणि महाराष्ट्र हायस्कूल, कडवई यांनी अनुक्रमे चौथा व पाचवा क्रमांक मिळवला. प्रश्नमंजुषा स्पर्धेत अली शुजाउद्दीन परकार आणि मर्यम अन्वर शेख यांनी प्रथम क्रमांक मिळवला. लायबा मोहसिन बागवान व उस्मान जुनेद मेमन द्वितीय तर आयशा जहीर चौगुले व आमिना एजाज परकार यांनी तृतीय क्रमांक पटकावला.
---