‘लोकमान्य’तर्फे मॉन्सून ठेव योजना
पुणे, ता. ७ ः लोकमान्य मल्टिपर्पज को-ऑप सोसायटी लिमिटेडतर्फे ‘लोकमान्य मॉन्सून ही मुदत ठेव योजना सादर करण्यात आली आहे. कमी कालावधीत आकर्षक परतावा देणाऱ्या या योजनेला ग्राहकांचा चांगला प्रतिसाद मिळत आहे.
पाचशे दिवसांसाठी असलेल्या या गुंतवणूक योजनेसाठी १०.२५ टक्के व्याजदर तर ज्येष्ठ नागरिकांसाठी ०.५० टक्के अधिकचा व्याजदर आहे. सभासद-ग्राहक या योजनेत किमान दहा हजार रुपये गुंतवणुकीपासून सुरुवात करू शकतात. सोप्या गुंतवणूक प्रक्रियेसह मर्यादित कालावधीसाठी आकर्षक परतावा मिळवून देणारी ही योजना आहे. त्याचा लवकरात लवकर गुंतवणुक करून लाभ घेण्याचे आवाहन लोकमान्य सोसायटीतर्फे करण्यात आले आहे. गुंतवणूकदार घरबसल्या ‘लोकमान्य डिजिटल ॲप’च्या माध्यमातून देखील या योजनेमध्ये गुंतवणूक करू शकतात. हे ॲप गुगल प्ले स्टोरवर उपलब्ध आहे. लोकमान्य सोसायटीच्या कोणत्याही शाखेत संपर्क साधून सभासद-ग्राहक-गुंतवणूकदारांना या योजनेचा लाभ घेता येईल.